წამების მსხვერპლთა ფსიქოსოციალური და სამედიცინო რეაბილიტაციის საქართველოს ცენტრის დირექტორი, ლელა ცისკარიშვილი წამების მხვერპლთა საერთაშორისო სარეაბილიტაციო საბჭოს (IRCT) პრეზიდენტად აირჩიეს.

"მადლობელი ვარ ნდობისთვის და ყველაფერს გავაკეთებ, რათა ეს ნდობა გავამართლო და დავეხმარო IRCT უფრო ძლიერი, მოქნილი და მდგრადი გავხადოთ", — განაცხადა ლელა ცისკარიშვილმა.

IRCT-ს მეექვსე გენერალური ასამბლეა 6-9 ოქტომბერს ჩატარდა. 7 ოქტომბერს ორგანიზაციის საბჭომ ლელა ცისკარიშვილი პრეზიდენტად აირჩია.

IRCT-ი დაფუძნდა 1985 წელს და დღეისათვის მასში გაწევრიანებულია 165 ორგანიზაცია მსოფლიოს 75 ქვეყნიდან. ეს ორგანიზაციები უწევენ სამედიცინო, ფსიქოსოციალურ, სამართლებრივ და სხვა სახის დახმარებას წამებისა და არაჰუმანური მოპყრობის, ომისა და მასობრივი ტრავმატიზაციის მსხვერპლებს, ლტოლვილებსა და თავშესაფრის მაძიებლებს, ტოტალიტარული რეჟიმების მსხვერპლებს.