საქართველოს პრემიერმინისტრის, გიორგი გახარიას განცხადებით, მას შემდეგ, რაც ფრენები აღდგება, საქართველოს მოქალაქეები ქვეყანაში შემოსვლის შემდეგ, თუკი PCR ტესტი ექნებათ, კარანტინის ნაცვლად, თვითიზოლაციიაში წავლენ. ამის შესახებ პრემიერმინისტრმა მთავრობის სხოდმის შემდეგ გამართულ ბრიფინგზე ისაუბრა.

"მას შემდეგ, რაც დაემატება და გაიხსნება დამატებითი ფრენები, საკარანტინო სივრცეებში შემოსულ ჩვენს მოქალაქეებთან მუშაობა და მათი კარანტინში გადაყვანის სქემა შეიცვლება. ყველა ჩვენს მოქალაქეს, რომელიც ბრუნდება სამშობლოში და თან ექნება PCR ტესტი, საკარანტინე სივრცე აღარ დასჭირდება. ექნება შესაძლებლობა, გადავიდეს თვითიზოლაციაში 12 დღის განმავლობაში და ეს არის ეს მოთხოვნა რაც მან უნდა დააკმაყოფილოს", — განაცხადა გახარიამ.

მისივე განმარტებით, ის მოქალაქეები, რომლებსაც არ ექნებათ ტესტი, შეძლებენ ზუსტად ისევ ისე გამოიყენონ ის საკარანტინე სივრცე, როგორც აქამდე იყენებდნენ.