დეკანოზ გიორგი მამალაძის ჯანმრთელობის მდგომარეობა დამძიმდა, მას გამოკვლევებს ჩაუტარებენ
![](http://rachel.on.ge/2017/02/13/470_pgpgpgp_58a1897410839.jpg)
15 ოქტომბერს დეკანოზ გიორგი მამალაძის ჯანმრთელობის მდგომარეობის სრული გამოკვლევა იგეგმება და განისაზღვრება მკურნალობის ტაქტიკაც. ინფორმაცია ამის შესახებ ადამიანის უფლებების სწავლებისა და მონიტორინგის ცენტრმა გაავრცელა.
EMC-ს ინფორმაციით, ცენტრი, როგორც მამალაძის ინტერესების დამცველი ორგანიზაცია მაისი-სექტემბრის პერიოდში მიმართავდა სასჯელაღსრულების დაწესებულებას და მამალაძის მძიმე ჯანმრთელობის მდგომარეობიდან გამომდინარე, საჭირო კვლევების ჩატარებას და შემდგომი მკურნალობის დაგეგმვას ითხოვდა. ცენტრის ცნობით, მათ მოთხოვნას დაწესებულება მხოლოდ სექტემბერში დაეთანხმა.
დეკანოზ გიორგი მამალაძის ჯანმრთელობის მდგომარეობა 2019 წლის თებერვლიდან გაუარესებულია.
როგორც დეკანოზის ადვოკატმა On.ge-ს უთხრა, ბოლო დროს გიორგი მამალაძის ჯანმრთელობის მდგომარეობა დამძიმდა და მარჯვენა ზედა და ქვედა კიდურის ატროფია დაეწყო. ადვოკატის განცხადებით, დეკანოზი ვერ იღებდა შესაბამის მკურნალობას.
EMC-ს განცხადების თანახმად, საქალაქო სასამართლომ არ გაითვალისწინა ექსპერტიზის დასკვნა მამალაძის ჯანმრთელობის მდგომარეობის შესახებ და 2020 წლის 17 მარტს უარი განაცხადა მამალაძის მიმართ სასჯელის მოხდის გადავადებაზე. საქალაქო სასამართლოს გადაწყვეტილება ძალაში დარჩა სააპელაციო სასამართლოს 21 მაისის გადაწყვეტილებით.
On.ge-ს სპეციალური პენიტენციური სამსახურის N18 სამკურნალო დაწესებულებაში უთხრეს, რომ მამალაძის მდგომარეობა სტაბილურია და არ დამძიმებულა და შესაბამისი მკურნალობა მიეწოდება. დაწესებულებაში აღნიშნეს ისიც, რომ საჭიროების შემთხვევაში მამალაძეს სამოქალაქო სექტორიდან ვიწრო პროფილის ექიმ-სპეციალისტების მომსახურებაც მიეწოდება, მაგრამ ამ ეტაპზე ამის საჭიროება არ დგას.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები