გულზე ხელი დაიდეთ და თქვით, რომელი თქვენგანი არ ეთანხმება იმას, რომ Netflix-ის ახალმა სერიალმა Stranger Things ნამდვილი ფურორი მოახდინა?

შოუს პირველმა სეზონმა უამრავი ადამიანი მიაჯაჭვა ეკრანებს და პერსონაჟებზე ანერვიულა. მეორე სეზონის ბედი იმაზე იყო დამოკიდებული, როგორ მიიღებდა მაყურებელი პირველ 8 ეპიზოდს. დადებითი გამოხმაურების შემდეგ, მეორე სეზონიც დამტკიცდა და ის ივლისში დაიწყება. ერთ-ერთი მთავარი, რაც სიუჟეტის განვითარებასთან დაკავშირებით გაირკვა, არის ის, რომ შოუში აუცილებლად ვიხილავთ დოქტორ ბრენერს. “პირველ სეზონში ჩვენ ვნახეთ, რომ ბრენერის პერსონაჟს თავს ესხმის მონსტრი, შემდეგ კი ისინი ერთიანდებიან. ვფიქრობთ, რომ ეს პერსონაჟი უფრო მეტ დროს იმსახურებს შოუში, ამიტომ დიდი ალბათობით, მას შემდეგ სეზონშიც ვნახავთ”, - ამბობს შოუს ერთ-ერთი შემქმნელი მეთ დიფერი.

ვიცით ისიც, რომ ბარბარას პერსონაჟის ხაზი აუცილებლად გაგრძელდება და ის შურს იძიებს საკუთარი ტრაგიკული ისტორიიის გამო.

“პირველ სეზონში სიუჟეტი ფაქტობრივად ერთი კვირის განმავლობაში ვითარდება. ეს კი ძალიან ცოტა დროა იმისთვის, რომ ყველაფერი განმარტო, რაც ხდება. ჩვენ გადავწყვიტეთ მეორე სეზონში განვავრცოთ და უფრო გასაგები გავხადოთ ის, რაც პირველ სეზონში მოხდა”, - ამბობს რეჟისორი.

აღსანიშნავია ისიც, რომ სერიალის მეორე სეზონში ძველ პერსონაჟებს სამი ახალი გმირი დაემატებათ. სერიალის კასტინგ მენეჯერის თქმით, ამჟამად სამ მსახიობს არჩევენ, რომლებიც ახალ პერსონაჟებს - მაქსს, ბილის და რომანს ითამაშებენ.

ფოტო: split

მაქსი 13 წლის გოგონაა, რომელიც თანატოლი გოგონებისგან ძალიან განსხვავდება. საიდუმლოს გასაღები მის წარსულში და ძმასთან უცნაურ ურთიერთობაში იმალება. მაქსი 17 წლის დაკუნთული და საშიში ბიჭია - იმდენად საშიში, რომ სკოლაში გავრცელებული ჭორის მიხედვით, წარსულში მან ვიღაც მოკლა. ბილის მექალთანის იმიჯი აქვს, უყვარს ალკოჰოლი და აზარტული თამაშები, თუმცა ხასიათის ამ თვისებების უკან მისი ნამდვილი სახე იმალება.

ვაინონა რაიდერის სერიალში გამოჩენის შემდეგ ძმებმა დიფერებმა ისიც თქვეს, რომ Stranger Things-ის მეორე ნაწილში სხვა ნაცნობ მსახიობებსაც ვიხილავთ.