საქართველოს ბანკი აგროსექტორის წახალისებას განაგრძობს. ამჯერად საქართველოს ბანკისა და კოოპერატივი ხუცუბნის აგრო-სამრეწველო კომბინატის თანამშრომლობით ქალაქ ქობულეთის დაბა ოჩხამურში 1,5ჰა-ზე მოცვის კიდევ ერთი პლანტაცია გაშენდა. პროექტის განსახორციელებლად ბანკმა 160 000 ლარის ოდენობის ინვესტიცია გამოყო. აღნიშნული ფინანასური რესურსი შენობის კეთილმოწყობას, წყლის სისტემის მოწესრიგებასა და მიწის დამუშავებას მოხმარდა.

ასევე, ბიზნესის მხარდაჭერისთვის, სამაცივრე მეურნეობის მოსაწყობად, ბანკის მხრიდან 20 000 ლარი გამოიყო. კომბინატს 9-10 ტონამდე მოსავალი მოჰყავს. შავი მოცვი რეალიზაცია ხდება როგორც ადგილობრივ, ისე საექსპორტო ბაზრებზე. პროექტის ჯამური ინვესტიცია 300 000 ლარია.

"მოხარული ვართ, რომ საქართველოს ბანკის და კოოპერატივი ხუცუბნის აგრო-სამრეწველო კომბინატის პარტნიორობით ქალაქ ქობულეთში მოცვის პლანტაციები გაშენდა. ჩვენთვის მნიშვნელოვანია ადგილობრივი ბიზნესების წახალისება და სწორედ იმ პროექტების მხარდაჭერა, რომლებიც ხელს უწყობს ახალი სამუშაო ადგილების შექმნას. ჩვენ ვაგრძელებთ მსგავსი ინიციატივების მხარდაჭერას, რათა ბიზნესები კიდევ უფრო განვითარდნენ და საკუთარი წვლილი შეიტანონ რეგიონის ეკონომიკურ გაძლიერებაში“, — განაცხადა საქართველოს ბანკის საცალო ბიზნესის საბანკო მომსახურების დეპარტამენტის დირექტორმა, მერაბ ახვლედიანმა.