დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს ბოქსირებული პალატის განყოფილების, მარინა ენდელაძის განცახდებით, დადასტურებული 523 შემთხვევიდან 194 — თბილისში, 172 — აჭარაში, 117 კი იმერეთში დაფიქსირდა.

მისი თქმით, ეს რეგიონები და დედაქალაქი შემთხვევათა რაოდენობებით ლიდერობს, დანარჩენი შემთხვევები კი ასე გადანაწილდა: 16 — სამეგრელო-ზემო სვანეთი, 7 — გურია, 4 — ქვემო ქართლი, 3 — კახეთი, 2 — სამცხე-ჯავახეთი, 1 — მცხეთა მთიანეთი.

საქართველოში კორონავირუსი კიდევ 7 ადამიანი გარდაიცვალა, ჯამში — 85. ცნობილია, რომ ორი პაციენტი ბათუმში, ერთი კი ქუთაისის კლინიკაში გარდაიცვალა. დანარჩენების შესახებ ინფორმაცია ჯერ არ გავრცელებულა.

აჭარის ჯანდაცვის სამინისტროს ინფორმაციით, გარდაცვლილ 68 წლის კაცს სუნთქვისა და თირკმლის მწვავე უკმარისობა ჰქონდა, ასევე, თანმხლები დაავადებები: გულის ქრონიკული უკმარისობა, გულის იშემიური დაავადება, არტერიული ჰიპერტენზია, წინაგულთა ფიბრილაცია.

მათივე თქმით, მეორე გარდაცვლილს 51 წლის კაცს ჰქონდა ორმხრივი პნევმონია, ჰიდროთორაქსი. თანმხმლები დაავადებები: არტერიული ჰიპერტენზია, მიტრალური სარქვლის კრიტიკული და აორტის სარქვლის პირველი ხარისხის ნაკლაოვანება, მიოკარდიუმის გადატანილი ინფარქტი, გულის ქრონიკული უკმარისობა, გულის იშემიური დაავადება.

ქუთაისის ინფექციური საავადმყოფოს დირექტორის თქმით, გარდაცვლილ 68 წლის კაცს სიმსივნური დაავადება ქონდა და პაციენტის მდგომარეობა კლინიკაში შეყვანისთანავე შეფასდა მძიმედ.

11 ოქტომბერს საქართველოში კორონავირუსის 523 ახალი შემთხვევა დადასტურდა. 208 გამოჯანმრთელდა. სულ კორონავირუსის 11 794 შემთხვევაა დადასტურებული. აქედან, 6 327 ადამიანი უკვე გამოჯანმრთელდა.

ამ დროისთვის კარანტინის რეჟიმში 5 590 ადამიანი იმყოფება, სტაციონარში მეთვალყურეობის ქვეშ კი — 836. კოვიდ სასტუმროში 1 393 პირი მკურნალობს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: