დაავადებათა კონტროლის ცენტრის დირექტორმა, ამირან გამყრელიძემ ბრიფინგზე განმარტა, რომ ფართომასშტაბიანი შეზღუდვები არ იგეგმება არც დედაქალაქში და არც სხვა რეგიონებში. ამავე ბრიფინგზე, თავდაპირველად მან განაცხადა, რომ საკოორდინაციო საბჭო მსჯელობს ფართომასშტაბიან შეზღუდვებზე და ორშაბათს გახდება ცნობილი, რა ტიპის შეზღუდვები დაწესდება, ან დაწესდება თუ არა საერთოდ. მოგვიანებით მანვე დააამტა:

"დღეს ჩვენ გავითავისეთ უკვე, რომ კორონავირუსულ ინფექციას ერთ და ორ დღეში ვერ გავაქრობთ, ვერც ორ თვეში და, შეიძლება, კიდევ ვერც ერთ წელიწადში. ამიტომ უნდა ვისწავლოთ თანაცხოვრება კორონავირუსთან ერთად. ამიტომ ფართომასშტაბიანი შემზღუდავი ღონისძიებები, მათ შორის, არა ლაითურში და გურიაში, არამედ თბილისშიც არ იგეგმება.

მაგრამ იქ, სადაც საჭირო იქნება ე.წ წერტილოვანი, ასე ვთქვათ, დარტყმების და წერტილოვანი შეზღუდვების, როგორიც არის მაგალითად კლასი, სადაც გაჩნდა ერთი ბავშვი ინფიცირებული, რა თქმა უნდა, კლასი დროებით შეწყვეტს სწავლას და ბავშვები გადავლენ თვითიზოლაციაში. ან, თუ, ვთქვათ, სკოლაში იქნა რამდენიმე ბევრი შემთხვევა, შეიძლება, დაისვას საკითხი იმ სკოლაში, მაგრამ არა მთლიანად სწავლის შეწყვეტის", — განაცხადა მან.