საქართველოში სომხეთის საელჩოს განცხადებით, ინფორმაცია, თითქოს საქართველო სომხეთში ჰუმანიტარული დახმარების გატარებას ბლოკავს, არ შეესაბამება სიმართლეს.

"ინტერნეტში გავრცელდა ინფორმაცია, რომ საქართველო აჩერებს RA-ს საწვავის იმპორტს და უარს ამბობს სომხეთში ჰუმანიტარული დახმარების გაშვებაზე, რაც არ შეესაბამება რეალობას.

სომხეთის საელჩო საქართველოში ინარჩუნებს მუდმივი ურთიერთობებს საქართველოს შესაბამის სტრუქტურებთან.

თუმცა, საქართველოს მასშტაბით ტრანზიტის პრობლემის შემთხვევაში, გთხოვთ, დაუკავშირდეთ სომხეთის საელჩოს, რათა სწრაფად გადაჭრას საკითხი", — აცხადებს საელჩო.

საქართველოს ეკონომიკისა და მდგრადი განვითარების მინისტრმა, ნათია თურნავამ განაცხადა, რომ საქართველოს გავლით სამოქალაქო დანიშნულების სატრანზიტო ტვირთების გადაზიდვა როგორც აზერბაიჯანთან, ასევე, სომხეთთან შეუფერხებლად მიმდინარეობს. ამის შესახებ მან ეროვნული უსაფრთხოების საბჭოს სხდომის შემდეგ, 3 ოქტმბერს ისაუბრა.

იმ დღესვე, ეროვნული უსაფრთხოების საბჭოს სხდომის შემდეგ, ცნობილი გახდა, საქართველომ დროებით შეაჩერა ნებართვების გაცემა სამხედრო ტვირთების გატარებაზე აზერბაიჯანისა და სომხეთის მიმართულებით.