დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

კორონავირუსი პირველად ჩინეთში, ქალაქ ვუჰანში 2019 წლის, დეკემბრის ბოლოს დაფიქსირდა. უკვე 11 მარტს მსოფლიო ჯანდაცვის ორგანიზაციამ (WHO) იგი საერთაშორისო პანდემიად გამოაცხადა, რადგან COVID-19 ქვეყნებში ძალიან დიდი სისწრაფით, მასშტაბურად გავრცელდა.

დღეს მსოფლიო უკვე მისი ვაქცინის მოლოდინშია და, მეტ-ნაკლებად, მკურნალობის მეთოდებიც ჩამოყალიბდა, მაგრამ ინფიცირებულთა რიცხვი, კვლავ მზარდია. მართალია, არაერთმა სახელმწიფომ COVID-19-თან ბრძოლის წარმატებული პრაქტიკა გვაჩვენა, მაგრამ მაინც არსებობს ქვეყნები, სადაც კორონავირუსის აქტიური შემთხვევების რაოდენობა გამოჯანმრთელებულთა რიცხვს აღემატება.

ფოტო: iStock

1. საფრანგეთი

ამ სიაში პირველ ადგილს საფრანგეთი იკავებს. აქ გამოჯანმრთელებულთა რაოდენობა 96 797-ია, თუმცა აქტიური შემთხვევების რიცხვი აღემატება და 434 782-ს შეადგენს. 1 ოქტომბრის მონაცემებით, საფრანგეთში კორონავირუსით 563 535 ადამიანი დაინფიცირდა, მათგან, 31 956 — გარდაიცვალა.

2. უკრაინა

საფრანგეთის მსგავსად, არც უკრაინა აღმოჩნდა გამონაკლისი. მიუხედავად იმისა, რომ აქ 94 443 ადამიანი გამოჯანმრთელდა, აქტიური შემთხვევების რიცხვი ამასთან შედარებით მაღალია და 114 392-ს შეადგენს. ჯამში, ქვეყანაში 213 028 ადამიანია ინფიცირებული, გარდაცვლილი — 4 193.

3. ბელგია

რაც შეეხება ბელგიას, აქ კორონავირუსით ამჟამად 88 982 პაციენტი მკურნალობს, 19 454 კი უკვე გამოჯანმრთელდა. დადასტურებული შემთხვევების რიცხვი სულ 118 452-ია, რომელთაგან 10 016 ადამიანი გარდაიცვალა.

4. ჰონდურასი

აქ ჯამში 76 900 შემთხვევაა დადასტურებული. მათგან, დღეს აქტიური — 46 625-ია. გამოჯანმრთელებულთა რიცხვი ამ მონაცემებზე ნაკლებია და 27 922-ს შეადგენს. გარდაცვლილი კი სულ 2 353 ადამიანია.

5. ეთიოპია

ქვეყანაში კორონავირუსის 75 368 შემთხვევიდან, 31 204 გამოჯანმრთელებულია, აქტიური — 42 966. ხოლო გარდაცვლილთა რიცხვი, დღეის მონაცემებით, 1 198-ს შეადგენს.

ფოტო: Sarah Grillo

6. ჩეხეთი

ჩეხეთში გამოჯანმრთელებულია 33 557 პაციენტი, ამას მხოლოდ მცირედით აღემატება ამჟამად არსებული დადასტურებული შემთხვევების რაოდენობა და იგი 36 619-ს შეადგენს. სულ ქვეყანაში 70 834 შემთხვევა გამოვლინდა, 658 — გარდაიცვალა.

7. ლიბანი

აქ დღეს აქტიური შემთხვევების რიცხვი 21 702-ს შეადგენს, გამოჯანმრთელებული კი, 17 565-ია. ჯამში კორონავირუსი ქვეყანაში 39 634 ადამიანს დაუდასტურდა, რომელთაგან 367 —გარდაიცვალა.

8. უნგრეთი

უნგრეთში გამოჯანმრთელებულია 6 118 პაციენტი. დღეს აქტიური შემთხვევები კი, 20 410-ს შეადგენს. სულ ქვეყანაში 27 309 შემთხვევაა გამოვლენილი. გარდაცვლილია 781 ადამიანი.

9. ტუნისი

აქ, ამჟამად, ინფიცირებულთა რიცხვი 13 116-ს უტოლდება, ჯამში კი დადასტურებული შემთხვეევბის რაოდენობა 18 413-ია. ტუნისში გამოჯანმრთელდა 5 032 პაციენტი, გარდაიცვალა — 265.

10. სლოვაკეთი

სლოვაკეთში კი, კორონავირუსი, ჯამში, 10 141 ადამიანს გამოუვლინდა. მათგან, გამოჯანმრთელდა მხოლოდ 4 395. შესაბამისად, აქტიური შემთხვევები, გამოჯანმრთელებულებს აქაც აღემატება და 5 698-ს შეადგენს. ამასთან, გარდაიცვალა 48.

რაც შეეხება საქართველოს, აქ 1 ოქტომბერს კორონავირუსის 448 ახალი შემთხვევა გამოვლინდა, 299 გამოჯანმრთელდა. სულ ქვეყანაში კორონავირუსის 6 640 შემთხვევაა დადასტურებული. აქედან 3 419 ადამიანი უკვე გამოჯანმრთელდა, 39 — გარდაიცვალა. აქტიური შემთხვევების რაოდენობა კი, 3 180-ია. კარანტინში 836 პირი იმყოფება, სტაციონარში მეთვალყურეობის ქვეშ — 836.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: