საპარლამენტო არჩევნებამდე ერთი თვით ადრე ტრანსატლანტიკური კომისიის (TCEI)1 თავმჯდომარემ არჩევნებში კეთილსინდისიერი მონაწილეობის შესახებ დათქმის პრეზენტაცია გამართა. TCEI1 თავმჯდომარემ და ნატოს ყოფილმა გენერალურმა მდივანმა, ანდერს ფოგ რასმუსენმა, დათქმაზე მიერთებით პოლიტიკური პარტიებსა და კანდიდატებს მიმართა პირობა დადონ, რომ პირდაპირ თუ ირიბად არჩევნებში ჩარევის მოსურნე გარე ძალებს ხელს არ შეუწყობენ.

რასმუსენმა შეხვედრაზე აღნიშნა, რომ საქართველოს დემოკრატიული პროგრესი და მისი ევროატლანტიკური მისწრაფება აწუხებს რუსეთს, ამიტომ, კრემლი მოახლეოებული საპარლამენტო არჩევნებში ჩარევას შეეცდება. მისივე თქმით არჩევნებში კეთილსინდისიერი მონაწილეობის შესახებ დათქმის პლატფორმა სწორედ ამიტომ შეიქმნა.

"დათქმა ჯანსაღი და გამჭვირვალე საარჩევნო პროცესის გლობალური სტანდარტია", — განაცხადა რასმუსენმა.

დათქმის თანახმად, ხელმომწერები პირობას დებენ, რომ:

  • არ გაავრცელებენ ცრუ და ყალბ ინფორმაციას/მასალას;
  • არ გაავრცელებენ ზიანის მიყენების მიზნით მოპოვებული პირადი ხასიათის აუდიო ან ვიდეო მასალებს და ე.წ. დიფფეიქ ვიდეოებს;
  • გამჭვირვალეს გახდიან ბოტური ქსელების გამოყენებით საარჩევნო მასალების გავრცელების პრაქტიკას;
  • ყურადღებას დაუთმობენ კიბერ უსაფრთხოების უზრუნველყოფას და გამჭვირვალეს გახდიან საარჩევნო კამპანიის ფინანსურ რესურსებს.

დათქმაზე ხელმოწერა, ჯერჯერობით, შემდეგმა პოლიტიკურმა პარტიებმა დააფიქსირეს:

  • ქართული ოცნება;
  • ევროპული საქართველო;
  • ლელო საქართველოსთვის;
  • სტრატეგია აღმაშენებელი;
  • დემოკრატიული მოძრაობა-გაერთიანებული საქართველო.

ვირტუალურ ღონისძიებაში მონაწილეობდნენ:

  • ანდერს ფოგ რასმუსენი — ტრანსატლანტიკური კომისია არჩევნებში კეთილსინდისიერი მონაწილეობისათვისა და დემოკრატიების ალიანსის ფონდის თავმჯდომარე, ნატოს გენერალური მდივანი (2009-2014), დანიის პრემიერ მინისტრი (2001-2009);
  • არჩილ თალაკვაძე — საქართველოს პარლამენტის თავმჯდომარე;
  • ტომას ჰენდრიკ ილვესი — ტრანსატლანტიკური კომისია არჩევნებში კეთილსინდისიერი მონაწილეობისათვის, წევრი, ესტონეთის პრეზიდენტი (2006- 2016);
  • ნატალი იარესკო — ტრანსატლანტიკური კომისია არჩევნებში კეთილსინდისიერი მონაწილეობისათვის, წევრი; უკრაინის ფინანსთა მინისტრი (2014-2016).

დათქმის ოფიციალური წარდგენით ტრანსატლანტიკური კომისია არჩევნებში მონაწილე ყველა პოლიტიკურ პარტიას, მათ კანდიდატებს და, აგრეთვე, დამოუკიდებელ კანდიდატებს მოუწოდებს შეუერთდნენ ინიციატივას და დათქმას ხელი მოაწერონ.

ტრანსატლანტიკური კომისია არჩევნებში კეთილსინდისიერი მონაწილეობისათვის პოლიტიკოსების მრავალპარტიული ჯგუფია, რომელიც, ასევე, ტექნოლოგიების, ბიზნესისა და მედია სფეროს ლიდერებს აერთიანებს. კომისიის მიზანია გააძლიეროს კოლექტიური ძალისხმევა არჩევნებში საგარეო ჩარევის თავიდან აცილების მიზნით.

კომისიამ დათქმა პირველად წარადგინა დათქმა ევროპული პარლამენტის არჩევნების წინ 2019 წელს, სადაც ევროკომისიის პრეზიდენტობის ყველა კანდიდატის ხელმოწერა მოიპოვა. მოგვიანებით კომისიის ინიციატივა წარმატებით განხორციელდა კანადაში 2019 წლის ოქტომბერში, სადაც არჩევნებში მონაწილე სამივე მთავარმა პოლიტიკურმა პარტიამ მოაწერა ხელი.

ამერიკის შეერთებულ შტატების პრეზედენტობის კანდიდატი ჯო ბაიდენი, რომელიც კომისიის დამფუძნებელი და ყოფილი წევრია, ასევე, შეუერთდა დათქმას. კომისია ამჟამად პრეზიდენტ დონალდ ტრამპთან დათქმაზე ხელმოწერის თაობაზე მუშაობს.