ჩრდილო-ატლანტიკური ალიანსის ყოფილი ხელმძღვანელის, ანდერს ფოგ რასმუსენის განცხადებით, საქართველო ნატოში გასაწევრიანებლად კრიტერიუმებს აკმაყოფილებს. არჩევნებში კეთილსინდისიერი მონაწილეობის შესახებ დათქმის წარდგენის ვირტუალურ ღონისძიებაზე რასმუსენმა თქვა, რომ სამხედრო ნაწილში საქართველო ნატოს სტანდარტებთან კომპეტენტურია. მისივე თქმით, რუსეთს არ უნდა მიეცეს შესაძლებლობა საქართველოს ევროატლანტიკურ მისწრაფებას ვეტო დაადოს.

"ნატოში გაწევრიანება ქართველების გადასაწყვეტია და არა კრემლის. ევროპაში ყველა სუვერენულ ქვეყანას უნდა ჰქონდეს უფლება გადაწყვიტოს ამა თუ იმ ორგანიზაციაში გაწევრიანების საკითხი. ეს თბილისისა და ბრიუსელის გადასაწყვეტია", — განაცხადა რასმუსენმა.

მან, ასევე, აღნიშნა, რომ ნატოს სტანდარტებთან მიახლოებისთვის საქართველოში ძალიან ბევრი გაკეთდა.