თბილისის მერის, კახა კალაძის თქმით, მეცნიერებათა აკადემიიდან მთაწმინდის პარკამდე აღდგება ერთკილომეტრიანი საბაგირო, რომელმაც ფუნქციონირება 1990 წელს შეწყვიტა. როგორც მან მთავრობის სხდომაზე განაცხადა, პროექტი 50 მილიონი დაჯდება და ტენდერის გამოცხადებას აპირებენ.

კალაძის თქმით, პროექტზე მუშაობა წლების წინ დაიწყეს, თუმცა გარკვეული პრობლემების გამო შეჩერდა.

"ამ პროექტის მნიშვნელოვანი კომპონენტი, რაც პრობლემას წარმოადგენდა, იყო ადგილობრივ მოსახლეობის განსახლების საკითხი. დღე ყველა ოჯახთან შეთანხმება მიღწეულია, შესაბამისად ეს პროექტი განხორციელდება", — განაცხადა კალაძემ.

მერის განმარტებით, პროექტის განხორციელებას წელიწად-ნახევარი ან ორი წელი დასჭირდება. მისი თქმით, ეს იქნება წრიული ტიპის 21-გონდოლიანი საბაგირო, რომელიც ერთკილომეტრიან მანძილს 4 წუთში დაფარავს, ხოლო საათში 1 100 მგზავრს მოემსახურება.