ევროპული საქართველოს ერთ-ერთი ლიდერი, გიგი უგულავას თქმით, თბილისის მერმა, კახა კალაძემ, რამდენიმე დღის წინ თათბირი ჩაატარა და კონკრეტულ ჯგუფებს ხელშეუხებლობის გარანტია მისცა, რათა ეძალადათ ოპოზიციის ლიდერებზე, სამოქალაქო აქტივისტებსა და ოპოზიციური არხების ჟურნალისტებზე.

"კალაძემ ორი დღის წინ თათბირი ჩაატარა და ხელშეუხებლობის გარანტია მისცა ზონდერობას. პირდაპირ დავალება მისცა ოპოზიციის ლიდერებზე, სამოქალაქო აქტივისტებზე და ტელევიზიებზე. ფორმულა, მთავარი, პირველი — პირდაპირ განუსაზღვრა სამიზნეები. ხელისუფლების მხრიდან ასეთი საქციელით, მხოლოდ ოპოზიცია ძლიერდება. მკაცრად აგებთ პასუხს დედა გეტირებათ", — განაცხადა გიგი უგულავამ.

დღეს მარნეულში ქართული ოცნებისა და ნაციონალური მოძრაობის აქტივისტების დაპირისპირების შედეგად, რამდენიმე ადამიანი დაშავდა, მათ შორის ფიზიკურად გაუსწორდნენ ტელეკომპანია მთავარის 2 ჟურნალისტს და 2 ოპერატორს, ასევე საზოგადოებრივი მაუწყებლის ოპერატორს.