ქართული ოცნების ერთ-ერთი ლიდერის, მამუკა მდინარაძეს თქმით, გამოსაძიებელია ნაციონალური მოძრაობის ლიდერს, ნიკა მელიას საერთოდ ესროლეს თუ არა ქვები.

პარტიის ოფისში გამართულ ბრიფინგზე მამუკა მდინარაძემ განაცხადა, რომ ნაციონალური მოძრაობის აქტივისტები პროვოკაციებს აწყობენ, რის გამოც მათი პარტიის აქტივისტებს დიდი მოთმინების გამოჩენა უწევთ. ჟურნალისტმა ჰკითხა მდინარაძეს, ვინ დაუშინა ნიკა მელიას ქვები, რაზეც მან უპასუხ:

"მელიას შემთხვევაში კარგი გამოსაძიებელია, ქვები საერთოდ დაუშინა თუ არა ვიღაცამ".

27 სექტემბერს ენმ-ს მაჟორიტარობის კანდიდატმა, ნიკა მელიამ თქვა, რომ ამომრჩევლებთან შეხვედრისას ქვები ესროლეს. როგორც იგი ამბობს, ამ დროს მასთან ერთად ბავშვები და ქალები იყვნენ, როცა კორპუსებიდან ქვები ისროლეს.