ქართული ოცნების გენერალური მდივნის, კახა კალაძის მტკიცებით, პარტიის თავმჯდომარის, ბიძინა ივანიშვილისთვის წინააღმდეგობა ბევრჯერ გაუწევია. მისივე თქმით, გუნდში მსჯელობის დროს, თავის სათქმელს ყოველთვის ამბობს.

"ჩვენ არ გვაქვს არანაირი პრობლემა მაგასთან დაკავშირებით. რატომ გგონიათ, რომ თუ პარტიის თავმჯდომარე იტყვის რაღაცას, ის აუცილებლად უნდა შესრულდეს? არ არის ეგ დამოკიდებულება და ეგ მიდგომა", — განაცხადა მან პალიტრანიუსის ეთერში.

კახა კალაძე ქართული ოცნების წევრია 2012 წლიდან. თბილისის მერი ის 2017 წელს გახდა.