სომხეთის პრემიერმინისტრის, ნიკოლ პაშიანიანის განცხადებით, არცახის თვითაღიარებული რესპუბლიკის (ყარაბაღი) აღიარების საკითხი სომხეთს დღის წესრიგში დგას. სომხური მედიის ინფორმაციით, ამის შესახებ პაშინიანმა პარლამენტში ნაციონალურ შეკრებაზე განაცხადა.

"ეს საკითხი დღის წესრიგში იდგა და დგას. გადავდგამთ ამ ნაბიჯს თუ არა? ეს სერიოზულად უნდა განვიხილოთ. შესაძლოა, დაიწყოს საზოგაოდებრივი განხივლაც", — განაცხადა პაშინიანმა.

გაიგეთ მეტი:

ყარაბაღში მიმდინარე კონფლიქტის გამო სომხეთმა აზერბაიჯანში ინტერნეტზე წვდომა შეზღუდეს, ზოგიერთ რეგიონსა და ქალაქში სამხედრო მდგომარეობა გამოცხადდა. ამავდროულად, სამხედრო მდგომარეობა და სრული მობილიზაცია აქვთ გამოცხადებული სომხეთს და ყარაბაღის თვითაღიარებულ რესპუბლიკას, არცახს.

სომხეთის განცხადებით, შეტაკებებისას მათი მხრიდან დაიღუპა 16 და დაშავდა ასეულობით ადამიანი. ამ ინფორმაციას თავდაცვის სამინისტროს პრესსპიკერი, შუშან სტეპანიანი ავრცელებს.

სომხეთის პრემიერმინისტრის, პაშინიანის განცხადებით, აზერბაიჯანმა საჰაერო და საარტილერიო შეტევა წამოიწყო. აზერბაიჯანის მხარე აცხადებს, რომ ეს პასუხი იყო დაბომბვაზე, რომელსაც მოქალაქეები შეეწირნენ. BBC-ის ინფორმაციით, ჩამოდგებულია მინიმუმ ერთი აზერბაიჯანული ვერტმფრენი. ვრცელდება ინფორმაცია მსვერპლზეც, თუმცა მონაცემები ამ დროისთვის დაზუსტებული არ არის.

ყარაბაღსა და სომხეთში სამხედრო მდგომარეობა და საერთო მობილიზაცია გამოცხადდა. რადიო თავისუფლების სომხური ბიუროს ინფორმაციით, თვითაღიარებული ყარაბაღის პრეზიდენტმა, არაიკ არუტიუნიანმა განაცხადა, რომ 18 წელზე მეტი ასაკის კაცები ჯარში უნდა გამოცხადდნენ. ის მომხდარზე სრულ პასუხისმგებლობას აზერბაიჯანსა და მის პრეზიდენტს, ილჰამ ალიევს აკისრებს.

რუსეთის საგარეო საქმეთა სამინისტრომ მოუწოდა ყარაბაღის კონფლიქტში ჩართულ მხარეებს, შეწყვიტონ ცეცხლი და მოლაპარაკებები დაიწყონ. მოკლე განცხადება, რომელშიც აღნიშნულია, რომ ორივე მხარე ინტენსიურ ცეცხლს აწამოებს და ვრცელდება ინფორმაცია დაღუპულებზე, უწყების ვებგვერდზე გამოქვეყნდა.

მთიან ყარაბაღში კონფლიქტი ბოლო თვეებში რამდენჯერმე გამწვავდა. სომხეთი და აზერბაიჯანი ტერიტორიასთან დაკავშირებით უკვე 40 წელია, დავობენ.

გაიგეთ მეტი: