ეს წელი კი საკმაოდ გიჟურად მიდის, მაგრამ პერის ჰილტონის მიერ "ნამდვილი ხმის გამომჟღავნებას", ალბათ, ყველასთვის მაინც საკმაოდ მოულოდნელი იყო.

სწორედ ეს ხდება პერისის ახალ დოკუმენტურ ფილმში This Is Paris, რომელშიც 39 წლის ვარსკვლავი საკუთარი მრავალი ხმის ჩანაწერს აკეთებს.

მოიცა, გინდათ, თქვათ, რომ ქალი, რომელიც 2000-იანების საკულტო სერიალ The Simple Life-ში მონაწილეობს და მაყურებელს თავისი საფირმო ფრაზა "That's hot" მოგვცა, მთელი ამ დროის განმავლობაში თავს იკატუნებდა?

კი, ნამდვილად ასეა. Sunrise-თან ჩაწერილ ბოლოდროინდელ ინტერვიუში პერისმა აღიარა, რომ ის "სულელი ქერას" პერსონაჟს ასახიერებდა.

ინტერვიუს დროს პერისმა თქვა:

"მთელი ამ დროის განმავლობაში პერსონაჟს ვასახიერებდი, ამიტომ მსოფლიომ არასდროს იცოდა, ვინ ვიყავი სინამდვილეში. ნამდვილი მე, რეალურად, ძალიან კარგია და სულელი ქერა არ ვარ — უბრალოდ, ძალიან კარგად ვასრულებ მის როლს", — თქვა მან, შემდეგ კი იმაზე ისაუბრა, თუ რატომ გადაწყვიტა სიმართლის ახლა გამჟღავნება — "უბრალოდ, ვიგრძენი, რომ უკვე დრო იყო, მსოფლიოს გაეგო, ვინ ვარ სინამდვილეში. მგონია, რომ ძალიან ბევრი რამ გამოვიარე და ჩემ შესახებ უამრავი არასწორი და წინასწარშექმნილი წარმოდგენა არსებობს. გარდა ამისა, ეს ჩემი მემკვიდრეობისა და იმისთვის გავაკეთე, თუ როგორ მინდა, რომ დამიმახსოვრონ. არ მინდა, ვიღაც ქარაფშუტად ვახსოვდე ხალხს. მინდა, პატივი მცენ იმის გამო, რომ ის ბიზნესვუმენი ვარ, რომელიც ვარ".

This Is Paris-ის უფასოდ ნახვა და პერისის ნამდვილი ხმის მოსმენა YouTube-ზე შეგიძლიათ.