ევროპული საქართველოს წევრი, ბესიკ დონაძე, ზუგდიდის საარჩევნო საოლქო კომისიის მიერ ნეიტრალური წევრების არჩევას ეხმაურება.

ბესიკ დონაძის თქმით, ზუგიდიდის საარჩევნო საოლქო კომისიამ საუბნო კომისიებში ნეიტრალურ წევრებად დანიშნა ქართულ ოცნებასთან დაკავშირებული პირები. დონაძის თქმით, ეს ადამიანები ან პარტიასთან არიან დაკავშირებულები, ან დასაქმებულები არიან საჯარო სამსახურში და ასრულებენ ადგილობრივი ხელისუფლებისა და ზუგდიდის მაჟორიტარობის კანდიდატის ქართული ოცნებიდან, ირაკლი ჩიქოვანის და მისი შტაბის დავალებებს.

"ესენი არიან ზუგდიდის მერიის თანამშრომლები, ზუგდიდის საკრებულოს თანამშრომლები, ა(ა)იპ-ისა და სსიპ-ის თანამშრომლები, სკოლის დირექტორები და მასწავლებლები.

აღნიშნული პირები არიან მონურ მორჩილებაში მყოფი კომისიის წევრები, რომლებიც, ასე ვთქვათ, უსიტყვოდ შეასრულებენ ყველა იმ დავალებას, რომელ დავალებასაც მისცემს ქართული ოცნება.

ძალიან სამწუხაროა, რომ ზუდიდის N67 საოლქო საარჩევნო კომისია გადაქცეულია ქართული ოცნების დამატებით შტაბად და ყველა ის დავალება, რომელსაც ქართული ოცნება აძლევს კომისიას, ზედმიწევნით სრულდება." — განაცხადა ბესიკ დონაძემ.