თბილისის მერის, კახა კალაძის განცხადებით, ყოფილ პრეზიდენტს, მიხეილ სააკაშვილს ეთანხმება და არც მას სჯერა კოალიციური მთავრობის. ექსპრეზიდენტმა 20 სექტემბერს განაცხადა, რომ იგი მხოლოდ საზოგადოების კოალიციას ხედავს, ხოლო პარტიულს — არა.

"კოალიციური მთავრობის აუცილებლობა არ არის ნამდვილად. დღეს ქართული ოცნება ერთადერთი ძალაა საქართველოში, რომელსაც აქვს იმის რეალური შესაძლებლობა, რომ არჩევნები დაასრულოს ძალიან მაღალი შედეგით და არანაირი კოალიციის შექმნის საჭიროება არ იყოს", — აღნიშნა კალაძემ.

მიხეილ სააკაშვილმა TV პირველის ეთერში განაცხადა, რომ მას "პოლიტიკური პარტიების და პარტიუკების" საერთოდ არ სჯერა. ყოფილმა პრეზიდენტმა, ასევე, აღნიშნა, რომ 2020 წლის საპარლამენტო არჩევნებზე უმრავლესობას ან ნაციონალური მოძრაობა აიღებს ან საქართველო "დაიღუპება". ამასთან, ჟურნალისტის კითხვას: "აქვს თუ არა ამომრჩეველს მხოლოდ ორი არჩევანი, თქვენ ან ბიძინა ივანიშვილი?" ყოფილმა პრეზიდენტმა უპასუხა, რომ ასეა და ეს ყველამ კარგად იცის.