დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ბათუმში შინაგან საქმეთა სამინისტროს მომსახურების სააგენტოს თანამშრომელს კორონავირუსი დაუდასტურდა. ინფორმაციას ამის შესახებ უწყება ავრცელებს.

"თანამშრომლის ტესტის პასუხი დღეს, 18 სექტემბერს გახდა ცნობილი. სააგენტოს სხვა თანამშრომლები, რომლებთანაც ინფიცირებულს ჰქონდა კონტაქტი, გადაყვანილნი არიან თვითიზოლაციაში. ეპიდემიოლოგები აწარმოებენ წყაროს იდენტიფიცირებასა და კონტაქტების კვლევას", — აცხადებენ შსს-ში.

მათივე თქმით, ხვალ, 19 სექტემბერს ბათუმის სტრუქტურული ერთეული ერთი დღით მოქალაქეებს ვერ მოემსახურება, რადგან დაგეგმილია სადეზინფექციო სამუშაოები.

18 სექტემბერს საქართველოში კორონავირუსის 182 ახალი შემთხვევა დადასტურდა. გამოჯანმრთელდა 13 ადამიანი. ახალი შემთხვევებიდან 129 აჭარაში დაფიქსირდა. თბილისში — 34, იმერეთში — 11, ქვემო ქართლში — 4, გურიაში — 3, კახეთში — 1.

ქვეყანაში კორონავირუსის სულ 3 119 შემთხვევაა დადასტურებული. აქედან უკვე 1 435 გამოჯანმრთელდა, ხოლო 19 გარდაიცვალა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: