ნახეთ: ენისტონი და პიტი წლების შემდეგ ეკრანზე ერთად პირველად გამოჩნდნენ

ერთი თვის წინ ცნობილი გახდა, რომ ჰოლივუდის ორი კაშკაშა ვარსკვლავი, რომელთა წარსული ურთიერთობა დღემდე მრავალი განხილვის საგანია, 2001 წლის შემდეგ პირველად გამოჩნდებოდა ეკრანზე ერთად.

და მართლაც, რამდენიმე საათის წინ კორონავირუსის პანდემიის შედეგებთან საბრძოლველად შექმნილი საქველმოქმედო ორგანიზაციის დასახმარებლად 1982 წელს გამოსული ცნობილი კომედიური დრამის Fast Times at Ridgemont High სცენარის ონლაინ კითხვა გაიმართა, რომელშიც მონაწილეობა ბრედ პიტმა და ჯენიფერ ენისტონმაც მიიღეს.

ამ ორ მსახიობს ფილმიდან ერთი უხერხული (და დასამახსოვრებელი) სცენის წაკითხვა მოუწიათ: ფილმის პერსონაჟი ბრედ ჰამილტონი წარმოიდგენს, როგორ ამოდის აუზიდან შიშველი ლინდა ბარეტი და მასზე მასტურბირებს...

კადრი ფილმიდან *Fast Times at Ridgemont High*: პერსონაჟ ლინდა ბარეტს ფიბი ქეითსი ასახიერებს.

ფოტო: Courtesy Everett Collection

ბრედ ჰამილტონის როლი პიტმა მოირგო, ლინდა ბარეტისა კი ენისტონმა.

ამ ცნობილი სცენის სათანადოდ გასაცოცხლებლად Friends-ის ვარსკვლავი ჯენიფერ ენისტონი შესაფერისად მოემზადა: მას ფილმიდან ნაცნობი წითელი ბიუსტჰალტერი აცვია.

ფეისბუქზე დისტანციურ ჩართვაში ასევე მომზადებული გამოცხადდა ბრედ პიტიც:

დიახ, ორივეს კვლავ ერთად ხილვა ის იშვიათი მოვლენაა, რომელიც ჰოლივუდური ამბების მოყვარულებს არ უნდა გამოგრჩეთ: ეს წყვილი 15 წლის წინ დაშორდა და მათ შესახებ უცხოური მედია დღემდე აქტიურად წერს.

მეტიც, ჯენიფერ ენისტონმა სცენარში თავისი ნაწილის კითხვისას ბრედ პიტის პერსონაჟს შემდეგი სიტყვებით მიმართ:

"ჰეი, ბრედ. იცოდი, რომ ყოველთვის მიმზიდველ კაცად მიმაჩნდი? ვფიქრობ, რომ ძალიან სექსუალური ხარ. მოხვალ ჩემთან?"

ეს მართლა განსაკუთრებული მომენტი იყო.

რა თქმა უნდა, პიტი და ენისტონი ერთადერთი ცნობილი სახეები არ იყვნენ, ვინც ამ საქველმოქმედო პროექტში იღებდა მონაწილეობას: მათთან ერთად ისეთმა ვარსკვლავებმა წაიკითხეს ფილმის სცენარი დისტანციურად, როგორებიც არიან მორგან ფრიმენი, ჯულია რობერტსი, შაია ლაბაფი, ჯიმი კიმელი, მეთიუ მაკკონაჰი და შონ პენი.

სრული ჩანაწერის ნახვა შეგიძლიათ აქ:

ბოლო ამბები:

გირჩევთ