ეკონომიკისა და მდგრადი განვითარების მინისტრის, ნათია თურნავას თქმით, საქართველოს ეკონომიკას პირველ რიგში ურტყამს არა შეზღუდვები, არამედ კორონავირუსის უკონტროლო გავრცელება. ამის შესახებ მან პარლამენტში ისაუბრა, სადაც ინტერპელაციის წესითაა დაბარებული.

"მინდა კიდევ ერთხელ განვმარტო, რომ ეკონომიკას პირველ რიგში ურტყამს არა შეზღუდვები, მით უფრო თუ შეზღუდვები დროულია, როგორც ჩვენ გავაკეთეთ, არამედ ვირუსის უკონტროლო გავრცელება", — განაცხადა ნათია თურნავამ.

ეკონომიკის მინისტრი პარლამენტში ინტერპელაციის წესით ევროპულმა საქართველომ დაიბარა. სხდომა ამ წუთებშიც მიმდინარეობს.