გვსურს განვმარტოთ, რომ მკვკევრების მიერ მოხდა შეცდომის დაშვება - თამთა შამათავა

დღეს დილით სტრატეგია აღმაშენებლის გუნდის მიერ გამართულ ბრიფინგზე — რომელზეც პარტიის გუნდის წევრმა თამთა შამათავამ ის კორუფციული სქემა წარადგინა, სადაც ბიზნეს კომპანიები ხელისუფლებასთან კორუფციულ გარიგებებში იყვნენ ჩართული — ერთი ტექნიკური შეცდომა აღმოჩნდა.

ცოტა ხნის წინ გიორგი ვაშაძემ განაცხადა, რომ მთავრობის გაღებული ფინანსური დახმარება, რომელიც კონკრეტულ კომპანიებს შეხვდათ, კორუფციულია.

მასალის გადამოწმებისას სტრატეგია აღმაშენებლის პოლიტსაბჭოს წევრმა გაარკვია, რომ მკვლევრების მიერ შეცდომა იქნა დაშვებული და კონკრეტული პიროვნების სახელი და გვარი სულ სხვა პიროვნებას მიეკუთვნა.

"დღევანდელ გამართულ ბრიფინგზე, სადაც წარმოვადგინეთ ის კორუფციული სქემა, რომელიც ხელისუფლებას აკავშირებს კონკრეტულ ბიზნესებთან, მკვკევარების მიერ იყო დაშვებული ერთი ტექნიკური შეცდომა. კონკრეტულად, ერთ-ერთი ბიზნეს წარმომადგენელი კერძოდ ზურა ხაჩიძე დასახელდა იმ კომპანიების წარმომადგენლებში, რომლებსაც აქვთ გარიგებები მთავრობასთან. გვსურს განვმარტოთ, რომ ეს პიროვნება არ გახლავთ მომღერალი ზურა ხაჩიძე და მკვკევარების მიერ მოხდა ტექნიკური შეცდომა. რაც შეეხება დანარჩენ ჩამოთვლილ კომპანიებსა და პირებს, ისინი ნამდვილად არიან ხელისუფლებასთან კორუფციულ გარიგებაში ჩაბმული და სხვა მცირე თუ საშუალო ბიზნესის ხარჯზე მდიდრდებიან" - თამთა შამათავა