გათავისუფლებული სკოლის დირექტორები — რა კითხვები აქვთ მათ სამინისტროსთან
საჯარო სკოლებში თანამდებობაზე ყოფნის 6-წლიანი ვადის გასვლის შემდეგ, დირექტორებს უფლებამოსილება შეუწყდათ. განათლების სამინისტროში განმარტავენ, რომ ხელშეკრულების ვადის ამოწურვის შემდეგ, გათავისუფლებული ყველა დირექტორი განათლების სისტემაში დირექტორის მოვალეობის შემსრულებლებად რჩება ან საქმიანობას მასწავლებლის პოზიციაზე აგრძელებს. მიუხედავად ამისა, დირექტორთა გარკვეულ ნაწილს მოვალეობის შემსრულებლის პოზიციაზე საკუთარი თავის წარდგენის საშუალება არ მიეცა და ისინი თანამდებობებიდან გაუფრთხილებლად გათავისუფლდნენ.
ბელა ხუბუტია თბილისის მე-10 საჯარო სკოლის დირექტორი იყო. მას უფლებამოსილების ვადა 8 სექტემბერს ამოეწურა. ის On.ge-სთან განმარტავს, რომ იმ ერთ-ერთ დირექტორთაგანია, ვისაც სამინისტროსგან მოვალეობის შემსრულებლის პოზიციაზე საკუთარი კანდიდატის წარდგენის შესახებ მითითება არ მიუღია.
"დირექტორთა ნაწილს, ვისაც, მაგალითად, 8-ში გასდიოდა ხელშეკრულების ვადა, სამინისტროსგან მიეთითათ, რომ 7-ში მიემართათ განცხადებით, რათა მათი კანდიდატურები მათსავე სკოლაში, მოვალეობის შემსრულებლის პოზიციაზე წარდგენილიყო. ვიყავით ნაწილი დირექტორებისა, რომლებსაც ასეთი რამ სამინისტროსგან არ მიგვეთითა და ცხადია 8-ში შრომის ხელშეკრულების ვადის გასვლის გამო გავთავისუფლდით", — ამბობს ბელა.
მისი თქმით, მიუხედავად იმისა, რომ მან სამინისტროს საკუთარი კანდიდატურის წარდგენაზე დამოუკიდებლად მიმართა, პასუხს მაინც ვერ მიიღო კითხვაზე — რატომ შეიზღუდა მისი შრომის უფლებები? ბელა ფიქრობს, რომ ეს დისკრიმინაციული გადაწყვეტილება იყო, რომელსაც სამინისტრო ვერ ასაბუთებს. გარდა ამისა, მისი თქმით, უწყებამ თავისი ვალდებულება, ჩაეტარებინა დირექტორების კონკურსი, ვერ შეასრულა.
"ისინი არჩატარების მიზეზად პანდემიას ასახელებენ, რაც რეალური საფუძველი ვერანაირად ვერ იქნებოდა, გამომდინარე იქიდან, რომ ჩატარდა როგორც ეროვნული, ასევე პედაგოგების შესარჩევი და სხვა გამოცდები. თუკი სახელმწიფო არ ასრულებს თავის ვალდებულებას, მაშინ ან უნდა გადანიშნულიყო ყველა მოვალეობის შემსრულებლად, ან უნდა გათავისუფლებულიყო ყველა და არ დანიშნულიყო არავინ [...] მე მაგალითად, ვერც დამისაბუთებენ, რატომ არ წარადგინეს ჩემი კანდიდატურა, ამიტომ, ეს არის პირადაპირ ადმინისტრაციული კოდექსის დარღვევა, სადაც წერია, რომ კანონის წინაშე ყველა ვალდებულია. ამით იზღუდება ჩემი პროფესიული იმიჯიც", — აცხადებს ის.
ჩვენ ბელას ვკითხეთ, მისი აზრით, რა იყო სამინისტროს ამ გადაწყვეტილების მოტივი. მისთვის ეჭვებს რამდენიმე გარემოება იწვევს, მათ შორის, მისი, როგორც დირექტორის აქტიურობა — სკოლაში ნორმალური შრომითი პირობები და გარემო შეექმნა.
"ჩვენი სკოლის შენობა, რომელიც მდებარეობს ნაძალადევში, იყო ავარიული. 2017 წლიდან არაფერი გაკეთებულა ამ შენობის შესაკეთებლად. ჩვენ მუდმივად მივდევდით ამ სიტუაციას, ვწერდით წერილებს, ვაწუხებდით, მერე თავი გადავაყვანინეთ 22-ე საჯარო სკოლის შენობაში, სადაც მოვთხოვეთ გარემონტება, მოსწავლეთა ტრანსპორტირება. როგორც ჩანს, მათ ბიუჯეტს ძალიან რთულად დააწვა ეს და ადამიანი, რომელიც ასე ფეხდაფეხ მიჰყვებოდა სკოლის სიტუაციას, ალბათ, მათთვის არ იყო მისაღები", — ამბობს ბელა.
მსგავსი სიტუაცია შეექმნა ია აბუაშვილსაც. 209-ე სკოლის ყოფილი დირექტორისთვისაც გაუგებარია, რატომ არ განიხილეს მისი კანდიდატურა მოვალეობის შემსრულებლად და მისი ამდენწლიანი მოღვაწეობის მიუხედავად, რატომ მიიღეს ეს გადაწყვეტილება.
"ერთი ჩავარდნილი გაკვეთილი ან დღე არ გვქონია [...] ერთხელ ხომ მაინც უნდა ყოფილიყო ან შენიშვნა ან პრეტენზია? არაფერი ყოფილა. მიზეზი რა არის, ვერ ვხდები. როცა ასეთი რამ არ ყოფილა, რატომ არ უნდა შესთავაზო დირექტორს მოვალეობის შესრულება და რატომ უნდა დააკისრო ეს მოვალეობა მოადგილეს, რომელიც მხოლოდ სასწავლო პროცესის მართვაში იყო აქამდე ჩართული?", — ამბობს ია.
აღნიშნულს გამოეხმაურა ევროპული საქართველოს მაჟორიტარობის კანდიდატი საჩხერის, ჭიათურისა და ხარაგაულის ოლქში, სერგო რატიანი. ის On.ge-სთან ამბობს, რომ სამინისტროს ეს გადაწყვეტილება თანამდებობაზე "ვიღაცები დატოვო" და "ვიღაცები არ დატოვო" შერჩევითი სამართალია. მისი თქმით, ხელისუფლებამ გაათავისუფლა ისინი, ვინც ნაკლებად საიმედოდ ჩათვალა.
"არ ვამბობ, რომ კონკრეტული ადამიანების მიმართაა პოლიტიკური მოტივაცია. ეს რაღაც ბოდვის განზომილებაა: ვიღაცას ნიშნავ, ვიღაცას არ ნიშნავ, ვიღაცას უშვებ და სამართლებრივი საფუძველი მორღვეული გაქვს. უნდა უზრუნველყონ ახალი კონკურსი, სადაც ბევრს შეეძლებოდა მონაწილეობის მიღება", — ამბობს რატიანი.
მისი თქმით, სამინისტრომ ამ გადაწყვეტილებით დირექტორების უფლებები დაარღვია და არ მისცა მათ საშუალება, კარიერული გზა გაეგრძელებინათ. იგი აცხადებს, რომ პროფესიონალი კადრი, მრავალწლიანი გამოცდილებით, სკოლის მიღმა დარჩა.
"წარმოიდგინეთ, 6 წლის განმავლობაში ხარ წარმატებული დირექტორი და ასეთ ადამიანებს უთხრეს, რომ მორჩა, თქვენი დრო დამთავრდა. მათი უფლებები და რეპუტაციაც შეილახა", — აცხადებს ის.
ამ თემასთან დაკავშირებით განათლების სამინისტროში ზოგად განცხადებას აკეთებენ. უწყების პრესსამსახურმა On.ge-ს მიაწოდა მინისტრის მოადგილის წერილობითი პასუხი, სადაც ეკა დგებუაძე ამბობს, რომ დირექტორების უფლებამოსილების ვადის შეწყვეტა კანონმდებლობის შესაბამისად ხდება. მისი თქმით, მსგავსი პროცესი ყოველწლიურად მიმდინარეობს, როდესაც სხვადასხვა დროს არჩეულ ან დანიშნულ დირექტორებს შრომითი ხელშეკრულების ვადა ეწურებათ.
"ხელშეკრულების ვადის ამოწურვის შემდეგ, გათავისუფლებული ყველა დირექტორი რჩება განათლების სისტემაში დირექტორის მოვალეობის შემსრულებლებად ან აგრძელებს საქმიანობას მასწავლებლის ან სხვა პოზიციაზე. ასევე, ყველა მათგანს შესაძლებლობა აქვს მონაწილეობა მიიღოს სამინისტროს მიერ გამოცხადებულ საჯარო სკოლების დირექტორთა შესარჩევ კონკურსში", — ვკითხულობთ განცხადებაში.
იყო თუ არა ეს "შერჩევითი სამართალი" და "დისკრიმინაციული გადაწყვეტილება", სამინისტროს გამოხმაურების მიუხედავად, ბუნდოვანია. On.ge-ს კითხვებს სამინისტროში არ პასუხობენ და მხოლოდ ზოგადი განცხადებით შემოიფარგლებიან.
ჩვენ პირადად ეკა დგებუაძეს დავუკავშირდით, რათა დამატებით კითხვებზე ზუსტი პასუხები მიგვეღო, თუმცა მინისტრის მოადგილემ პირდაპირი ზარისთვის გვისაყვედურა და პრესსამსახურთან გადაგვამისამართა.
"ჩემი კომენტარი არის, რომ არც ერთი დირექტორი არ არის გათავისუფლებული, მათ გაუვიდათ თავიანთი 6-წლიანი ვადა", — აცხადებს ეკა დგებუაძე.
აღსანიშნავია ისიც, რომ სამინისტროს პრესსამსახურში დამატებით კითხვებს არ პასუხობენ. On.ge-ს უწყების წარმომადგენლებისთვის კითხვების დასმის საშუალება არ მიეცა.
-
გადახედვათბილისი პრაიდი: რაც მტრობას დაუნგრევია, სიყვარულს უშენებია! თბილისი პრაიდი: რაც მტრობას დაუნგრევია, სიყვარულს უშენებია!
-
გადახედვამთვარეზე თავდაყირა დამჯდარი იაპონური აპარატი მეორე ღამესაც გადაურჩა მთვარეზე თავდაყირა დამჯდარი იაპონური აპარატი მეორე ღამესაც გადაურჩა
-
გადახედვა1500 წლის წინანდელი დნმ-ის წყალობით ჩინეთის იმპერატორის გარეგნობა გამოავლინეს 1500 წლის წინანდელი დნმ-ის წყალობით ჩინეთის იმპერატორის გარეგნობა გამოავლინეს
-
გადახედვამეცნიერებმა ორი მამრისგან ჯანმრთელი თაგვები გამოიყვანეს და ეს მდედრის დნმ-ის გარეშე მეცნიერებმა ორი მამრისგან ჯანმრთელი თაგვები გამოიყვანეს და ეს მდედრის დნმ-ის გარეშე
-
გადახედვაკობახიძე: ბატონ ბიძინა ივანიშვილთან მაქვს რეგულარული სატელეფონო კომუნიკაცია კობახიძე: ბატონ ბიძინა ივანიშვილთან მაქვს რეგულარული სატელეფონო კომუნიკაცია
-
გადახედვაისტორიაში პირველად, პაპმა ფეხთბანვის რიტუალი მხოლოდ ქალების მონაწილეობით ჩაატარა ისტორიაში პირველად, პაპმა ფეხთბანვის რიტუალი მხოლოდ ქალების მონაწილეობით ჩაატარა
-
-
გადახედვაბეთჰოვენის დნმ-ში განსაკუთრებული მუსიკალური ნიჭი არ გამოვლინდა — რას ნიშნავს ეს ბეთჰოვენის დნმ-ში განსაკუთრებული მუსიკალური ნიჭი არ გამოვლინდა — რას ნიშნავს ეს
-
გადახედვაOn.ge-ის 10 ქვიზი, რომელიც მაშინ უნდა გააკეთო, როცა მოწყენილი ხარ On.ge-ის 10 ქვიზი, რომელიც მაშინ უნდა გააკეთო, როცა მოწყენილი ხარ
-
გადახედვაკალაძე მელიასა და გვარამიაზე: ბოროტების და რადიკალიზმის ადგილი ქართულ პოლიტიკაში არ არის კალაძე მელიასა და გვარამიაზე: ბოროტების და რადიკალიზმის ადგილი ქართულ პოლიტიკაში არ არის
-
გადახედვაორსულების დიეტა ნაყოფის სახის მახასიათებლებზე მოქმედებს — კვლევა ორსულების დიეტა ნაყოფის სახის მახასიათებლებზე მოქმედებს — კვლევა
-
გადახედვაComcom-მა დათვალა, რამდენმა ადამიანმა უყურა საქართველო-საბერძნეთის მატჩს პირველ არხზე Comcom-მა დათვალა, რამდენმა ადამიანმა უყურა საქართველო-საბერძნეთის მატჩს პირველ არხზე
-
გადახედვანახეთ: როგორ ჩანს დედამიწაზე სეზონების ცვლილება კოსმოსიდან ნახეთ: როგორ ჩანს დედამიწაზე სეზონების ცვლილება კოსმოსიდან
-
გადახედვასომხეთში სოლოვიოვის პროპაგანდისტული გადაცემების ტრანსლირება აიკრძალა სომხეთში სოლოვიოვის პროპაგანდისტული გადაცემების ტრანსლირება აიკრძალა
-
გადახედვაროგორი ამინდი იქნება შაბათ-კვირას როგორი ამინდი იქნება შაბათ-კვირას
-
გადახედვაბჟანიას გადადგომის მოთხოვნით სოხუმში აქტივისტი შიმშილობს ბჟანიას გადადგომის მოთხოვნით სოხუმში აქტივისტი შიმშილობს
-
გადახედვაჯიფსი როუზი ციხის დატოვებიდან 3 თვის შემდეგ განქორწინდა ჯიფსი როუზი ციხის დატოვებიდან 3 თვის შემდეგ განქორწინდა
-
გადახედვათბილისის ოპერისა და ბალეტის თეატრში შრომითი უფლებების დარღვევა გამოვლინდა - კულტურის პროფკავშირი თბილისის ოპერისა და ბალეტის თეატრში შრომითი უფლებების დარღვევა გამოვლინდა - კულტურის პროფკავშირი
-
გადახედვადედაჩემის იპოთეკა დავფარე, რაც ჩემთვის ძალიან მნიშვნელოვანი იყო — სიდნი სვინი დედაჩემის იპოთეკა დავფარე, რაც ჩემთვის ძალიან მნიშვნელოვანი იყო — სიდნი სვინი
-
გადახედვავენერაზე სიცოცხლის "საშენი მასალის" არსებობა შესაძლებელია — კვლევა ვენერაზე სიცოცხლის "საშენი მასალის" არსებობა შესაძლებელია — კვლევა
-
გადახედვაფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია ფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია
კომენტარები