თავისუფალი დემოკრატებმა პარტიის ახალ თავმჯდომარედ პარტიის გენერალური მდივანი, თამარ კეკენაძე აირჩიეს. თავისუფალი დემოკრატებიდან თავმჯდომარის, შალვა შავგულიძისა და გამგეობის ორი წევრის, ნინო გოგუაძისა და ალექსანდრე ბარამიძის წასვლის შემდეგ, პარტიის თავმჯდომარის მოვალეობას კეკენაძე ასრულებდა.

პარტია 2020 წლის საპარლამენტო არჩევნებში დამოუკიდებლად მიიღებს მონაწილეობას.

შალვა შავგულიძემ, ნინო გოგუაძემ და ალექსანდრე ბარამიძემ პარტია თავისუფალი დემოკრატები, მიმდინარე წლის აგვისტოში, დატოვეს. შავგულიძე აცხადებდა, რომ ამის მიზეზი პარტიის გამგეობაში შექმნილი არაჯანსაღი ვითარება იყო.

7 აგვისტოს თავისუფალი დემოკრატები დატოვა კიდევ ერთმა ლიდერმა, ლევან სამუშიამ და ლელოში გაწევრიანდა.