ევროპული საქართველოს ერთ-ერთი ლიდერი და ზუგდიდში მაჟორიტარობის კანდიდატი, გიგი უგულავა საკუთარ Facebook გვერდზე აქვეყნებს ფოტოს, სადაც ჩანს, რომ ევროპული საქართველოს საარჩევნო პლაკატებზე ერთიანი ნაციონალური მოძრაობის ფოტოებია გადაკრული.

"კოლეგებო ენმ-დან, ადგილი არ გყოფნით, თუ ქოცებს ვერ უბედავთ?! იქნებ "შეკრულები" ხართ?

პ.ს. პლაკატის ახევას სახის ახევა სჯობიაო. ძველი კახური ანდაზაა, ხომ გაგიგიათ. ხოდა სახეს გაუფრთხილდით", — წერს უგულავა.

საპარლამენტო არჩევნები საქართველოში 31 ოქტომბერს გაიმართება.