სახელწოდებას გადამწყვეტი თუ არა, ძალიან დიდი მნიშვნელობა მაინც აქვს: წიგნის, მუსიკის, სერიალისა და ფილმის შერჩევისას მათი სათაური ყოველთვის იქცევს ყურადღებას და გარკვეულ ინფორმაციასაც გვაწვდის.

მაგალითად, სერიალს, რომელის სახელწოდებაცაა რატომ კლავენ ქალები, რთულია, მინიმუმ სიუჟეტის აღწერის წაკითხვის გარეშე აარიდო თვალი.

სწორედ ამის გამო სოციალურ ქსელ Reddit-ის ერთ-ერთმა მომხმარებელმა კინომოყვარულებს სთხოვა, ცნობილი ფილმებისთვის ისეთი სათაურები შეერჩიათ, რომლებიც ყველას ყურადღებას მიიქცევდა და საბოლოო შედეგები საკმაოდ ზუსტი, უცნაური და სასაცილო გამოდგა.

1. "მშობლებმა ბავშვი ერთი კვირით სახლში მარტო დატოვეს და ვერც კი წარმოიდგენთ, შემდეგ რა მოხდა!"

ფოტო: 20th Century Fox Film Corp.

2. "ამ ჯგუფს ასობით ადამიანი უერთდება, თუმცა ამაზე ლაპარაკის უფლება არცერთს აქვს (ამ გაერთიანების პირველმა ორმა წესმა შეიძლება შოკში ჩაგაგდოთ)"

ფოტო: 20th Century Fox

3. "ციხის ზედამხედველი კედელზე გაკრულ შიშველი ქალის პოსტერს ჩამოხსნის და რასაც იქ აღმოაჩენს, გაგაოცებთ!!!"

ფოტო: Columbia Pictures

4. "გულმკერდი გტკივათ? ვერც კი წარმოიდგენთ, რა იზრდება ამ კოსმოსური ხომალდის ეკიპაჟის წევრის სხეულში"

ფოტო: 20th Century Fox Film Corp

5. "ვირთხამ სადილი მომიმზადა! და მომეწონა კი მე ეს?!?!"

ფოტო: Walt Disney Co.

6. "წითელი თუ ლურჯი? ვერ დაიჯერებ, რომელი აბი გადაყლაპა ამერიკის საუკეთესო ჰაკერმა"

ფოტო: Warner Bros.

7. "იისფერი კაცი ცოცხალი არსებების ნახევარს ერთი მარტივი ტრიუკით ანადგურებს"

ფოტო: Marvel

8. "ბიჭი თავისი მშობლების მკვლელს სამაგიეროს გადაუხდის — ვერც კი წარმოიდგენ, ამას როგორ მოახერხებს"

ფოტო: Warner Bros. Ent.

9. "როცა უფროსები ბუნებაში პიკნიკზე მიდიან, თანამშრომლები მათ სახლში რჩებიან (მოულოდნელად მოვლენები ეროტიკულად განვითარდება)"

ფოტო: Neon

10. "წარმოდგენაც კი გაგიჭირდება, რა იყო ამ თვითმფრინავში"

ფოტო: NEW LINE CINEMA

11. "მოხუცი კაცი ბავშვს მფრინავი სახლით გაიტაცებს"

ფოტო: Disney

12. "ჯუჯა ვულკანში ძვირფასი ბეჭდის გადაგდებას აპირებს — რაც მანამდე მოხდება, გაგაოცებთ"

ფოტო: New Line Cinema

სასურველ ფილმზე თქვენი სახალისო ვერსია შეგიძლიათ, კომენტარებში შემოგვთავაზოთ.