ევროპული საქართველოს ერთ-ერთი ლიდერი და საარჩევნო შტაბის ხელმძღვანელი, სერგი კაპანაძე მიიჩნევს, რომ გუშინდელთან შედარებით კორონავირუსით ინფიცირებულთა რაოდენობის შემცირება 3 000-ით ნაკლები ტესტის ჩატარების შედეგია.

"გუშინ ჩაატარეს 12 000 ტესტი და იყო 158 ინფიცირებული. დღეს ჩაატარეს 9 000 ტესტი და ჰყავთ 152. ცოტა ტესტი ჩაატარეს და ცოტა ჰყავდათ და მერე თქვეს — ჩვენმა მუშაობამ შედეგი გამოიღოო. ანუ, ხალხი დებილი გგონიათ და იმაზე გაქვთ გათვლა, რომ პროცენტი ვერ გამოყავს ერს? აპრილ-მაისში 20-30 რომ იყო და მთელი ქვეყანა დაკეტეთ, ეკონომიკა დაღუპეთ და ქულები ჩაიწერეთ, კორონა დავამარცხეთო, ახლა, როცა აღმოჩნდა, რომ ვერ დაამარცხეთ, რიცხვებით მანიპულირებით აპირებთ ისევ ქულების ჩაწერას? აგერ ნახავთ, როგორც დაამთავრებთ", — წერს კაპანაძე.

გუშინ, 12 სექტემბერს საქართველოში Covid-19-ის 158 შემთხვევა დაფიქსირდა, დღეს, 13 სექტემბერს — 152.