სტრატეგია აღმაშენებლის ერთ-ერთი ლიდერი სერგო ჩიხლაძე, ჯანდაცვის სამინისტროსგან შექმნილი მდგომარეობიდან გამოსავლის დეტალურ ანგარიშს ითხოვს.

"ქვეყანაში კოვიდ19 დაინფიცირებულთა რიცხვი გეომეტრიული პროგრესიით იზრდება, მონაცემები ყოველდღიურად მზარდია, რაც სახელმწიფოს მხრიდან მიზანმიმართულ და გამართულ ქმედებებს მოითხოვს. ჩვენი მოთხოვნაა, ჯანდაცვის სამინისტრომ და უწყებათაშორსმა საბჭომ წარმოადგინოს დეტალური ანგარიში, თუ როგორ უმკლავდება კრიზისს მოქმედი მთავრობა, რა დონეზეა მომზადებული ქვეყანა, რამდენი სტაციონარია, რამდენი საწოლია, სად არის გადანაწილებული, არსებობს თუ არა ტესტების მარაგი, სად კეთდება ტესტირება და რამდენ ლოკაციაზე, შესაბამისად, ჯანდაცვის სამინსიტროს მხრიდან გაჟღერებული 21 ლოკაცია საკმარისი არ არის, როგორ ხდება მობილური ადგილების შექმნა, მათ შორის, დრაივების, რაც მთავრობის სტრატეგიაშია აღწერილი", — განაცხადა სერგო ჩიხლაძემ.

სერგო ჩიხლაძის თქმით, სტრატეგია აღმაშენებელი მზად არის გარკვეული წვლილი შეიტანოს, ქვეყანაში შექმნილი კრიზისის დაძლევაში. მისი თქმით, პარტიამ ჯერ კიდევ აპრილში, ტესტირების მექანიზმის და პუნქტების გაშლის დეტალური ალგორითმი შეიმუშავა, მთელი ქვეყნის მასშტაბით.