ევროპული საქართველოს ლიდერი, დავით ბაქრაძე, ქართული ოცნების საარჩევნო პარტიულ სიას ეხმიანება.

დავით ბაქრაძის თქმით, ამ სიამ კიდევ ერთხელ აჩვენა, რომ ქართული ოცნება ვერ აცნობიერებს, თუ რამხელა ეკონომიკურ კრიზისშია ქვეყანა და იმის მაგივრად, რომ სიტუაციის გამოსწორება სცადოს, თამამად აცხადებს, რომ იმავე პოლიტიკას გაატარებს მომავალში. ბაქრაძემ აღნიშნა, რომ ამ ყველაფერს სჭირდება გარდამტეხი ცვლილებები, რომელსაც 31 ოქტომბერი მოიტანს.

"გუშინდელი პრეზენტაციის ფორმამაც, შინაარსმაც და სიამაც კარგად აჩვენა, რომ ქართული ოცნება ვერ აცნობიერებს რამხელა ეკონომიკურ კრიზისიშია შესული ქვეყანა. არათუ რამის გამოსწორებას პირდება ქართული ოცნება ხალხს, არამედ თამამად აცხადებს, რომ იმავეს გააგრძელებს მომავალი წლების განმავლობაში. ამიტომ, თითოეული იმ ადამიანისთვის, ვინც საკუთარ ოჯახებზე გრძნობს იმას, რომ ქვეყანა მიდის არასწორი მიმართულებით, გრძნობს იმ უმძიმეს ეკონომიკრ და სოციალირ კრიზისს, რომელშიც დღეს არის ჩვენი საზოგადოება, ერთადერთი შანსი არის არჩევნები, არჩევნებზე მისვლა და ევროპული საქართველოს სახით იმ გუნდის არჩევა, რომელიც ქვეყანას მოუტანს გარდამტეხ ცვლილებებს. გუნდის, რომელიც ქვეყანას გამოიყვანს ამ უმძიმესი ეკონომიკური კრიზისიდან და წაიყვანს წინ უკეთესი მომავლისკენ", — განაცხადა დავით ბაქრაძემ.