საქართველოს მოქმედი პრემიერმინისტრი, გიორგი გახარია, რომელიც ქართულმა ოცნებამ კვლავ პრემიერობის კანდიდატად დაასახელა, აცხადებს, რომ მისი პარტია არჩევნებში დამაჯერებლად მოიგებს.

"ოცნება მოიგებს დამაჯერებლად და, რა თქმა უნდა, ოცნებას არ დასჭირდება კოალიცია", — განაცხადა გახარიამ მთაწმინდა, პარტიის პირველი ოცეულის წარდგენის შემდეგ.

ჟურნალისტის კითხვას, რა არის მისი მთავარი დამსახურება, რის გამოც ის დარჩა ამ თანამდებობაზე და მათ შორის მოიაზრებს თუ არა 20 ივნისს, გახარიამ ასე უპასუხა:

"ამ კითხვას პასუხს გასცემს ჩვენი ამომრჩეველი".