დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

სასტუმრო პარაგრაფის დროებით თანამშრომელს კორონავირუსი დაუდასტურდა. როგორც გურიის საზოგადოებრივი ჯანდაცვის ცენტრში განმარტავენ, პირს კორონავირუსი თბილისში ყოფნის დროს დაუფიქსირდა. იგი 23 აგვისტოს შემდეგ სასტუმროში არ ყოფილა და სტუმრებთან შეხება არ ჰქონია.

"მისი ცოლ-შვილი ისვენებდა ბათუმში, ბათუმის კლასტერიდან არიან და მათ შეხება არ ჰქონიათ სასტუმროსთან. სასტუმრო განაგრძობს ფუნქციონირებას, არავითარი პანიკა არ არის, არცერთ სტუმარს არაფერი არა აქვს დაფიქსირებული", — აცხადებენ ჯანდაცვის ცენტრში.

უწყების ცნობით, აღნიშნული თანამშრომლის კონტაქტია სამი მუშა. ისინი თვითიზოლაციაში იმყოფებიან და დღეს საღამოს მათი ტესტის პასუხებიც იქნება ცნობილი.

8 სექტემბრის მონაცემებით, საქართველოში კორონავირუსის 45 ახალი შემთხვევა გამოვლინდა, 6 ადამიანი გამოჯანმრთელდა.

ინფექციური საავადმყოფოს სამედიცინო დირექტორის, მარინა ეზუგბაიას თქმით, 45 ახალი შემთხვევიდან 23 აჭარაში გამოვლინდა. 5 კი უკავშირდება ფართომასშტაბიან ქორწილს თბილისში.

"3 უკავშირდება დონას კლასტერს, 19 არის დადასტურებულ შემთხვევებთან კონტაქტი, 4 სამედიცინო პერსონალი ავერსის კლინიკიდან, 4 შემოტანილი, მათგან 1 სატვირთო ავტომობილის მძღოლია, 12 არის მოგზაურობის ისტორიით აჭარაში, 3-ზე მიმდინარეობს ეპიდკვლევა წყაროებისა და კონტაქტების დადგენის მიზნით", — აღნიშნა ეზუგბაიამ.

ჯამში, საქართველოში კორონავირუსის დადასტურებულ შემთხვევათა რაოდენობა 1 729-მდე გაიზარდა, ამათგან 1 321 უკვე გამოჯანმრთელდა, 19 კი გარდაიცვალა. კარანტინის რეჟიმში იმყოფება 5 882, სტაციონარში მეთვალყურეობის ქვეშ კი — 390.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: