ელექტრომომმარაგებელი კომპანია თელასის განცხადებით, დღეს, 10:04 საათზე ავარიულად გამოირთო გადამცემი ხაზები ვერა-1 და ვერა-2, რის გამოც ელექტროენერგიის მიწოდება შეუწყდა თბილისის თბოელექტროცენტრალის ქვესადგურის მომხმარებლებს დიდუბე-ჩუღურეთის რაიონში.

ელექტროენერგია არ მიეწოდება ასევე რუსთაველის გამზირის (ნაწილობრივ), დავით აღმაშენებლის გამზირის და მიმდებარე ქუჩების 20 ათასამდე აბონენტს.

თელასის განცხადებით, ტექნიკური სამსახური აწარმოებს ავარიის სალიკვიდაციო სამუშაოებს და აბონენტების ელექტრომომარაგება უახლოეს დროში აღდგება.