პირველ ოქტომბრამდე, ანუ სასწავლი წლის დაწყების პირველი ორი კვირა ბათუმსა და ქობულეთში სწავლა დისტანციურად წარიმართება. ამის შესახებ პრემიერმინისტრმა გიორგი გახარიამ განაცხადა.

"იქიდან გამომდინარე, რომ სასწავლო წელი გამოიწვევს მობილობის კიდევ უფრო გაზრდას, ჩვენ გარკვეული გადაწყვეტილებები მივიღეთ, ორი კვირით პირველ ოქტომბრამდე ბათუმსა და ქობულეთში სასწავლო პროცესი გადაიდება და იქნება დისტანციურად, რაც ნიშნავს, რომ ბათუმსა და ქობულეთში ბავშები სკოლებში და სტუდენტები აუდიტორიებში სწავლას პირველი ოქტომბრიდან განაგრძობენ, მანამდე სწავლა დაიწყება დისტანციურად", — განაცხადა გიორგი გახარიამ.

აჭარაში, კორონავირუსით ინფიცირებულების გაზრდის გამო, სასწავლო პროცესი 2 კვირის განმავლობაში დისტანციურად დაიწყება, დანარჩენი სკოლები კი სწავლას ჩვეილ რეჟიმში, 15 სექტემბრიდან დაიწყებენ.