დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ბათუმში, საცხოვრებელი კომპლექსი ორბის თანამშრომელს კორონავირუსი დაუდასტურდა. ინფორმაცია On.ge-ს აჭარის ჯანდაცვის სამინისტროს პრესსამსახურში დაუდასტურეს.

უწყების ცნობით, შემთხვევა რამდენიმე დღის წინანდელია. როგორც სამინისტროს პრესსამსახურში აცხადებენ, ინფიცირებული სამსახურში ბოლო ორი კვირის მანძილზე არ იმყოფებოდა, ამიტომ იგი იქ მცხოვრებთათვის საფრთხეს არ წარმოადგენს.

რაც შეეხება, ბოლო 24 საათის მონაცემებს, აჭარაში კორონავირუსის 12 ახალი შემთხვევაა გამოვლენილი. მათგან, 2 უკავშირდება საკონდიტრო დონას, ხოლო 8 ინფიცირებულის წყარო უცნობია. დანარჩენი ორი კი, დადასტურებულ შემთხვევებთან კონტაქტია.

6 სექტემბრის მონაცემებით კი, საქართველოში კორონავირუსის 29 ახალი შემთხვევა გამოვლინდა, 8 ადამიანი გამოჯანმრთელდა.

ჯამში, საქართველოში კორონავირუსის დადასტურებულ შემთხვევათა რაოდენობა 1 650-მდე გაიზარდა, ამათგან 1 310 უკვე გამოჯანმრთელდა, 19 კი გარდაიცვალა. კარანტინის რეჟიმში იმყოფება 6 020, სტაციონარში მეთვალყურეობის ქვეშ კი — 299.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: