ფრენსის ფორდ კოპოლამ დააანონსა, რომ მალე ნათლია 3-ის (The Godfather: Part III) ახალ ვერსიას ვიხილავთ.

განახლებული ვერსია, რომელსაც მარიო პიუზოს ნათლია, კოდა: მაიკლ კორლეონეს სიკვდილი (Mario Puzo’s The Godfather, Coda: The Death of Michael Corleone) ეწოდება, ნათლიის ტრილოგიის "უფრო შესაფერისი დასასრული" იქნება.

"ეს ჩემი და მარიოს შერჩეული სათაურისა და ჩვენი იმ პირვანდელი განზრახვების დაფასებაა, რომლებიც საბოლოოდ ნათლია 3-ად იქცა. ფინალის ამ ვერსიისთვის მე ახალი დასაწყისი და დასასრული შევქმენი, გადავანაცვლე რამდენიმე სცენა, კადრი და მუსიკალური გაფორმება. ამ ცვლილებების და განახლებული კადრებისა და ხმის გათვალისწინებით, ჩემთვის ეს ნათლიისა და ნათლია 2-ის უფრო შესაფერისი დასასრულია", — თქვა კოპოლამ.

ახალი ვერსიის შექმნასთან ერთად ფილმი 4K ხარისხში განახლდა, მის საწყისი 5.1 აუდიო-მიქსი კი გაუმჯობესდა.

კინოფირის ნეგატივის 300 ყუთის დეტალური ანალიზის შედეგად, კოპოლას ჯგუფმა კადრების ნაკაწრები, ლაქები და სხვა ანომალიები გამოასწორა, რომლებსაც მანამდე ტექნოლოგიური შეზღუდულობის გამო ვერაფერი მოუხერხეს.

სრულად გამოსვლამდე The Godfather, Coda ამ წლის დეკემბერში რამდენიმე შერჩეულ კინოთეატრში გაეშვება.

2008 წელს კოპოლამ აღადგინა ნათლია და ნათლია 2. ბოლოს მან აპოლაკიფსი ახლას (Apocalypse Now) "ფინალური ვერსია" გამოუშვა.