გერმანიის დედაქალაქის ცენტრალურ ნაწილში, საშობაო ბაზრობაზე სატვირთო მატარებელი შევარდა. ბოლო ცნობებით, დაღუპულია 9 ადამიანი და დაშავებულია 50-ზე მეტი. ინფორმაციას BBC ავრცელებს.

პოლიციის განცხადებით, ეჭვობენ, რომ ეს მიზანმიმართული თავდასხმა იყო, რადგან ეს ადგილი ბერლინში ყველაზე ხალხმრავალი ადგილი იყო იმ დროს. ბაზრობაზე შეკრებილები იყვნენ ბავშვები და მოზრდილები.

როიტერის ცნობით, სატვირთო ავტომობილის მძღოლი მიმალულია.

ტურისტების თქმით, მანქანა 65 კმ/სთ-ში მოძრაობდა.

"სცენამ გაგვახსენა ის, რაც ნიცაში მოხდა" - ამბობს გერმანული მედიის წარმომადგენელი.

14 ივლისს ფრანგულ ზღვისპირა ქალაქ ნიცაში 31 წლის ტუნისელი ფრანგი კაცი საბრძოლო მასალით დატვირთული სატვირთო მანქანით ხალხის მასაში შევარდა, მაშინ როდესაც სანაპიროს გასწვრივ შეკრებილები ბასტილიის აღების დღეს აღნიშნავდნენ. მანქანამ თითქმის 2 კილომეტრი გაიარა. დაიღუპა 84 ადამიანი, მათ შორის ბავშვებიც. ტერაქტზე პასუხისმგებლობა ე.წ. ისლამურმა სახელმწიფომ აიღო.

ტერაქტი ნიცაში. 2016 წლის 14 ივლისი.

ფოტო: AFP