ეკონომიკის მინისტრის, ნათია თურნავას თქმით, მსოფლიო ბანკმა მიიღო გადაწყვეტილება 40 მილიონ დოლარამდე თანხით დააფინანსოს ინფრასტრუქტურულ პროექტი, რომელიც ინტერნეტიზაციიას ითვალისწინებს. მისივე თქმით, საქართველოში ინტერნეტი რთულად მისაღწევ ადგილებშიც იქნება. მან ამის შესახებ ეკონომიკის და მდგრადი განვითარების სამინისტროში ბრიფინგზე განაცხადა.

"ნახევარი მილიონი მოსახლე, მიიღებს მაღალი ხარისხის ინტერნეტს, მიუხედავად იმისა თუ რამდენად დაშორებულია მისი საცხოვრებელი ადგილი მსხვილი ქალაქებისგან", — განაცხადა თურნავამ.

ეკონომიკის მინისტრის, თქმით ეს პროექტი არა მხოლოდ ინტერნეტით სარგებლობას გაზრდის, არამედ დამატებით სამუშაოებსაც შექმნის.

"განსაკუთრებით კოვიდიდან გამომდინარე და პოსტკოვიდ სიტუაციებში მნიშვნელოვანი იქნება ასეთი მუშაობის რეჟიმი, დიჯიტალიზაცი, აქედან გამომდინარე, ეს ახალი შესაძლებლობაა ადამიანებისთვის, სახლიდან გაუსვლელად იყვნენ დასაქმებულები ეს არის ახალი შესაძლებლობა ტურიზმისთვის, რადგან განთავსების შესაძლებლობას იძლევა და ჩვენ დარწმუნებულები ვართ, რომ ტურიზმის სფერო კვლავ მალე დაუბრუნდება დადებით დინამიკას, ეს არის ონლაინ განათლებისთვის, ეს არის ჩვენი მომავალი", — განაცხადა თურნავამ.

ნათია თურნავას განცხადებით, საქართველო ბევრ ქვეყანას ასწრებს, იქიდან გამომდინარე, რომ ქვეყანაში რთულად მისაღწევ ადგილებშიც ისეთივე ინტერნეტი იქნება, როგორიც თბილისშია.