ოკუპირებული ცხინვალის რეგიონში ინალ ძაბიევის საქმის გამოძიების მოთხოვნით მორიგი აქცია გაიმართა. აქციის მონაწილეები დანაშაულში პასუხიმგებელ პირთა დასჯას და დე ფაქტო რესპუბლიკის ე.წ. მთავარი პროკურორის თანამდებობიდან გადაყენებას ითხოვდნენ. ინფორმაციას ამის შესახებ დე ფაქტო ხელისუფლების მედია ავრცელებს.

29 აგვისტოს ოკუპირებული რეგიონის დე ფაქტო დეპუტატები საგანგებო სესიაზე შეიკრიბნენ და ხმათა უმრავლესობით გადაწყვიტეს, რომ მიმართონ ბიბილოვს ე.წ. გენპროკურორის გადადგომის მოთხოვნით.

მას შემდეგ რაც ცნობილი გახდა, რომ საპატიმროში 28 წლის ინალ ჯაბიევი გარდაიცვალა, ცხინვალის ცენტრში ათეულობით მოქალაქე შეიკრიბა და საპროტესტო აქცია მოაწყო. აქციის მონაწილეებთან ანატოლი ბიბილოვიც იყო გასული, თუმცა ის მომიტინგეებმა შეძახილებით გააცილეს. შეკრებილები დე ფაქტო პრეზიდენტისა და მთავრობის გადადგომას მოითხოვდნენ.

ინალ ჯაბიევი დე ფაქტო შს მინისტრზე, იგორ ნანიევზე თავდასხმის ბრალდებით იყო დააკავებული. ბრალდებულის გარდაცვალების შემდეგ ნანიევი გადააყენეს და სისხლის სამართლის საქმე აღძრეს.