პოლიტიკური პარტიის, ლელო საქართველოსთვის, ერთ-ერთი ლიდერი სოფო შამანიდი თეა წულუკიანის ინიციატივას ეხმიანება: "დღეს, როდესაც ქვეყანა დემოგრაფიული კრიზისის წინაშე დგას, ქალბატონი მინისტრი კიდევ უფრო აღრმავებს პრობლემას და ბარიერს უქმნის ადამიანებს, ვისაც სურთ, ჰყავდეთ შვილი. რისკენ გვიბიძგებს იუსტიციის მინისტრი თავისი ახალი რეგულაციით? ფიქტიური ქორწინებისკენ. თუმცა ეს ხომ ოცნების ჩვეული სტილია — ფიქცია, ტყუილი, ადამიანებისთვის პრობლემების შექმნა, არჩევანის წართმევა".

"აქამდე მხოლოდ ქალების უფლებების დარღვევებზე ვსაუბრობდით — ეს ხომ ჩვეული თემაა ჩვენს საზოგადოებაში. კაცებო, ახლა თქვენი უფლებებიც ირღვევა! თუკი თქვენ არ ხართ ქორწინებაში, მაშასადამე არ გეყოლებათ შვილი. მორჩა და გათავდა. ასე უნდა ქალბატონ მინისტრს", — დაურთო სოფო შამანიდმა.