თეთრიწყაროს მუნიციპალიტეტში 2 კილოგრამამდე ჰეროინის შეძენა-შენახვის ბრალდებით პირი დააკავეს. ამის შესახებ ინფორმაციას შინაგან საქმეთა სამინისტრო ავრცელებს.

უწყების თქმით, პირი მარნეული-თბილისის დამაკავშირებელ საავტომობილო გზაზე მიკროავტობუსით გადაადგილებისას გააჩერეს. აღნიშნული მირკოავტობუსისა და მისივე საცხოვრებელი სახლის ჩხრეკისას კი 2 კილოგრამამდე ნარკოტიკული საშუალება ამოიღეს.

შსს-ს ინფორმაციით, საქმეზე გამოძიება საქართველოს სისხლის სამართლის კოდექსის 260-ე მუხლის მე-6 ნაწილის "ა" ქვეპუნქტით დაიწყო, რაც გულისხმობს, განსაკუთრებით დიდი რაოდენობით ნარკოტიკული საშუალების, მისი ანალოგის, პრეკურსორის ან ახალი ფსიქოაქტიური ნივთიერების უკანონო დამზადება, წარმოება, შეძენა, შენახვა, გადაზიდვა, გადაგზავნა ან გასაღებას.