სოციალურ ქსელში პრემიერმინისტრმა, გიორგი გახარიამ ინფორმაცია გაავრცელა, სადაც ამბობს, რომ დაბა მესტია და ლენჯერი 2 სექტემბრიდან გაიხსნება.

საკოორდინაციო საბჭოს ბრიფინგზე სუსის უფროსის მოადგილის ალექსანდრე ხოჯევანიშვილის თქმით 2 სექტემბრამდე, ინტენსიურად გაგრძელდება ტესტირების რეჟიმი.

"2 სექტემბრამდე გაგრძელდება ინსტესიური ტესტირების რეჟიმი, რომელიც ხელს შეუწყობს პრევენციას", — განაცხადა ხოჯევანიშვილმა.

კორონავირუსის გამო, მესტიაში შესვლა და გამოსვლა შეზღუდული იყო. ამასთან, დაბა მესტიაში, უშგულსა და ლენჯერში ფუნქციონირების უფლება მხოლოდ აფთიაქებს ჰქონდათ.