უკრაინელი პოლიტიკოსის, იულია ტიმოშენკოს პრესმდივნის, მარინა სოროკას ცნობით, ტიმოშენკო რეანიმაციაში, მძიმე მდგომარეობაში იმყოფება. უკრაინის ოპოზიციური პარტია ბატკივშჩინის ლიდერს COVID-19 ორი დღის წინ, 23 აგვისტოს დაუდასტურდა.

"სამწუხაროდ, კარგი ამბები, ჯერჯერობით, არ გვაქვს. იულია ვლადიმეროვნას ჯანმრთელობის მდგომარეობა მძიმე რჩება", — წერს სოროკა.

მედია გამოცემა რბკ-უკრაინას ინფორმაციით, ტიმოშენკო ხელოვნური სუნთქვის აპარატზეა შეერთებული. სააგენტოს ინფორმაციით, კორონავირუსი პოლიტიკოსის ქალიშვილსა და სიძესაც დაუდგინდა. თუმცა, მათ ვირუსი მსუბუქ ფორმებში აქვთ განვითარებული.

25 აგვისტოს მონაცემებით, უკრაინაში კორონავირუსის 108 415 შემთხვევაა დადასტურებელი, გამოჯანმრთელდა 52 870, გარდაიცვალა — 2 318.