პარლამენტმა მესამე მოსმენით დაამტკიცა საკანონმდებლო ცვლილებების პაკეტი, რომლის მიხედვით, სხვადასხვა პროდუქტსა და მომსახურებაზე აქციზის საფასური ძვირდება. კენჭისყრა საკანონმდებლო ორგანოში, დღეს, 16 დეკემბერს, დღის ბოლოს შედგა.

საგადასახადო კოდექსში ცვლილებების შეტანის შესახებ ინიციატივის მიხედვით, ძვირდება მარცხენა და მარჯვენასაჭიანი ავტომობილებისა და საწვავის აქციზის გადასახადი, ხოლო ოჯახებს რომელთა წლიური შემოსავალი 100 000 ლარს აღემატება, ავტომობილზე ქონების გადასახადი დაუწესდებათ. ინიციატივის თანახმად, ასევე, ძვირდება თამბაქოს აქციზის საფასური და აზარტული თამაშის მოსაკრებლის რაოდენობა.