კორონავირუსი თვე-ნახევრის ჩვილს დაუდასტურდა. ის ოჯახის წევრებთან ერთად ბოჭორიშვილის კლინიკაშია მოთავსებული.

როგორც On.ge-ს კლინიკაში განუცხადეს, ინფიცირებული არიან ჩვილის დედ-მამა და 7 წლის ძმა. მათი თქმით, ბავშვის კონტაქტები ოჯახის წევრები არიან.

22 აგვისტოს მონაცემებით, საქართველოში კორონავირუსის 9 ახალი შემთხვევა გამოვლინდა, გამოჯანმრთელებულთა რაოდენობა კი 4-ით გაიაზრდა. ინფორმაცია ამის შესახებ Stopcov.ge-ზე განახლდა.

ინფექციური საავადმყოფოს სამედიცინო დირექტორის, მარინა ეზუგბაიას განცახდებით, 4 ახალი შემთხვევა, უკვე დადასტურებულის კონტაქტია, 1 სამედიცინო პერსონალია, 3 შემოტანილია, 1-ზე კი ეპიდკვლევა გრძელდება.

ჯამში, საქართველოში კორონავირუსის დადასტურებულ შემთხვევათა რაოდენობა 1 394-მდე გაიზარდა, გამოჯანმრთელებულია 1 132 ადამიანი, გარდაცვლილი კი — 17.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: