BBC-ის ცნობით, სირიის მთავრობამ ისევ შეაჩერა აღმოსავლეთ ალეპოდან მოქალაქეებისა და მებრძოლების ევაკუაციის პროცესი.

გამოცემის ცნობით, პროცესის გაჩერების მიზეზი ჯერჯერობით უცნობია. დაუდასტურებელი ინფორმაციით, აფეთქების ხმა გაისმა იმ ადგილიდან სადაც ავტობუსების კოლონა მოძრაობდა.

გაეროს მონაცემებით, სულ მცირე 3 000-მა ადამიანმა დატოვა ალეპო, თუმცა 50 000 ჯერ კიდევ ქალაქშია.

სირიის არმიამ ამბოხებულების მიერ კონტროლირებადი თითქმის ყველა დასახლება აიღო.

CNN-ის ინფორმაციით, ალეპოში ყველას კლავენ, ვინც აჯანყებულებთან კავშირშია - მათ შორის ბავშვებს და ქალებს.

ალეპოში ბავშვებისა და ქალების დახოცვას ადასტურებს გაეროც.

რუსეთმა სირიის ტერიტორიაზე საჰაერო დაბომბვები ე.წ. ისლამური სახელმწიფოს მებრძოლების წინააღმდეგ 2015 წლის 30 სექტემბერს დაიწყო, 16 აგვისტოს კი ალეპოს დაბომბვა ირანის ბაზების გამოყენებით განაახლა. ომს უამრავი მშვიდობიანი მოსახლე, მათ შორის ბავშვები, ემსხვერპლა.

რა ხდება სირიაში? - მოკლედ