ვაჟა-ფშაველას გამზირზე მდებარე ევექსის კლინიკის ერთ-ერთ ექიმს კორონავირუსი დაუდასტურდა. ინფორმაცია ამის შესახებ On.ge-ს ევექსის კლინიკების რეგიონულმა კოორდინატორმა, ტატო თოდუამ დაუდასტურა.

მისი თქმით, ინფიცირებული თანამშრომლის ყველა კონტაქტი გამოკვლეულია, თუმცა ინფიცირების წყაროს ჯერ კიდევ იკვლევენ.

ტატო თოდუას განცხადებით, ინფიცირებულთან შესაძლო კონტაქტში მყოფი ყველა პირი საკარანტინო სივრცეშია გადაყვანილი.