თამარ ბაჩალიაშვილის ოჯახის ადვოკატის, მიხეილ რამიშვილის განცხადებით, ბაჩალიაშვილის სოციალური ქსელებიდან წაშლილი ინფორმაციის აღდგენის პროცესი მიმდინარეობს. მისი თქმით, ეს ინფორმაცია პროკურატურაში მიაწოდეს.

"მთავარმა პროკურატურამ საერთაშორისო ურთიერთობებიდან გამომდინარე სასამართლოს განჩინებით გადააგზავნეს, FBI ჩართულია ამ საქმეში და მიმდინარეობს ეს პროცესი", — განაცხადა ოჯახის ადვოკატმა.

მიხეილ რამიშვილმა 11 აგვისტოს განაცხადა, რომ 13 ივლისიდან 18 ივლისამდე, გაუჩინარების დღემდე, თამარ ბაჩალიაშვილის ელექტრონულ ფოსტაში შეტყობინებები არ იძებნება, რაც ეჭვს ბადებს, რომ ვიღაცამ შეტყობინებები წაშალა.