დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

კერძო ბიზნესსექტორში ყოველდღიურად, საშუალოდ, კორონავირუსთან დაკავშირებული შეზღუდვების 20-მდე დარღვევა ფიქსირდება. ამის შესახებ ჯანდაცვის მინისტრმა, ეკატერინე ტიკარაძემ ისაუბრა. მისი თქმით, წესების დაცვისას მნიშვნელოვანია იმ ბიზნესსექტორების ჩართვა, სადაც მოსახლეობის ნაკადი მაღალია — კაფეები, რესტორნები, სასტუმროები.

"შრომის ინსპექცია თანამშრომლობს კერძო სექტორებთან. მათ აქვთ შესაძლებლობა, რომ რეგიონის დონეზე რამდენჯერმე მივიდნენ სექტორში, გადაამოწმონ და გააცნონ რეკომენდაციები. ჩვენთვისაც მნიშვნელოვანია, რომ ვიყოთ დაზარალებული სექტორის პარტნიორი, რომ არ დაგვჭირდეს აღკვეთისა და დაჯარიმების ღონისძიებები",— განაცხადა ტიკარაძემ.

ბოლო მონაცემებით, საქართველოში კორონავირუსი სულ 1 278 ადამიანს დაუდასტურდა, მათ შორის, გამოჯანმრთელებულია 1058 ადამიანი, გარდაცვლილი — 17. კარანტინის რეჟიმში 7 718 პირი რჩება, სტაციონარში მეთვალყურეობის ქვეშ კი 245 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: