აჭარის ჯანდაცვის მინისტრის თანამდებობა ნინო ნიჟარაძემ დაიკავა. ნინო ნიჟარაძე 2012-დან 2017 წლამდე საზოგადოებრივი ჯანდაცვის ცენტრის დირექტორის მოადგილე იყო, შემდეგ კი ცენტრის ხელმძღვანელი. 2018 წლიდან კი აჭარის ჯანდაცვის მინისტრის პირველი მოადგილე იყო.

"ჯანდაცვის მინისტრის თანამდებობას დაიკავებს ქალბატონი ნინო ნიჟარაძე, მინისტრის პირველი მოადგილე, რომელმაც განსაკუთრებით გამოიჩინა თავი Covid-19 თან ბრძოლის პერიოდში. არის გამორჩეული პროფესიონალი, გამორჩეული ეპიდოლოგი. დარწმუნებული ვარ რომ ის იქნება მნიშვნელოვანი შენაძენი ჩვენი გუნდისთვის. ორმაგად მისასალმებელია, რომ ქალბატონების რიცხვი იზრდება მთავრობის შემადგენლობაში", — განაცხადა აჭარის მთავრობის თავჯდომარემ, თორნიკე რიჟვაძემ.

აჭარის ჯანდაცვის ყოფილი მინისტრი, ზაალ მიქელაძე ქობულეთის მაჟორიტარი დეპუტატობისთვის იბრძოლებს.